شمالی وزیرستان کے ضلع دتہ خیل میں سیکیورٹی فورسز کے کامیاب آپریشن میں 2 دہشت گرد ہلاک ہو گئے ہیں۔

پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے شمالی وزیرستان کے ضلع دتہ خیل میں دہشت گردوں کی موجودگی کی اطلاع پر انٹیلی جنس کی بنیاد پر آپریشن کیا۔ آپریشن کے دوران شدید فائرنگ کے تبادلے میں 2 دہشت گرد ہلاک ہو گئے۔

ہلاک ہونے والے دہشتگردوں میں سے ایک کی شناخت عصمت اللہ عرف حافظ کے نام سے ہوئی ہے جبکہ دوسرے دہشت گرد کی شناخت کا عمل جاری ہے۔

آئی ایس پی آر کے مطابق  دہشت گردوں کے قبضے سے بھاری مقدار میں اسلحہ اور گولہ بارود بھی برآمد ہوا جس میں سب مشین گنز، ہینڈ گرنیڈ اور کثیر تعداد میں کیلیبر راؤنڈز شامل ہیں۔

ہلاک دہشت گرد سیکیورٹی فورسز کے خلاف دہشت گردی، ٹارگٹ کلنگ اور اغوا برائے تاوان کی وارداتوں میں ملوث تھے۔