مقبوضہ کشمیر میں بھارتی فورسز نے ریاستی دہشت گردی کا مظاہرہ کرتے ہوئے فائرنگ کرکے دو کشمیری نوجوانوں کو شہید کردیا۔

کشمیر میڈیا سروس کے مطابق قابض بھارتی فوج نے شوپیاں میں سرچ آپریشن کیا جس کے دوران گھر گھر تلاشی لی اور چادر و چار دیواری کا تقدس پامال کیا۔ اس دوران فائرنگ کرکے دو نوجوانوں کو دہشت گرد قرار دے کر شہید کردیاگیا ۔ دونوں نوجوانوں کا تعلق ضلع شوپیاں سے ہے جن میں سے ایک کی شناخت عادل وانی کے نام سے ہوئی۔ اور شہید نوجوانوں کا تعلق تحریک مزاحمت (ٹی آر ایف) سے تھا۔

آپریشن کے دوران فائرنگ کے تبادلے میں تین بھارتی فوج بھی زخمی ہوئے گئے ہیں۔شہادتوں کے بعد وادی میں ماحول کشیدہ ہو گیاہے ۔چند دن قبل بھارتی فورسز نے ایک ہی دن میں 5 کشمیریوں کو شہید کردیا تھا۔

واضح رہے کہ بھارتی فوج نے مقبوضہ کشمیر میں دہشت گردی کا بازار گرم کر رکھا ہے اور دو ہفتوں میں 15 نوجوانوں کو شہید کیا جاچکا ہے۔ دوسری جانب فائرنگ کے واقعات میں 9 بھارتی فوجی بھی مارے جاچکے ہیں۔