پیپلز پارٹی کے شریک چیئرمین آصف علی زرداری آج شہباز شریف کے گھر ظہرانے میں شریک ہوئے، لیکن انہوں نے وہاں سے کھانا نہیں کھایا۔
تفصیلات کے مطابق ن لیگ اور پیپلز پارٹی کی آج ہونے والی ملاقات کورونا ایس او پیز کا خیال رکھتے ہوئے کسی نے بھی مصافحہ نہیں کیا، جبکہ ملاقات کے دوران بھی نشستوں میں مناسب فاصلہ رکھا گیا۔ لیکن اس کے باوجودبھی آصف علی زرداری کا شہباز شریف کے گھر سے کھانا نہ کھانا موضوع بحث بنا ہوا ہے۔
اب ذرائع سے اس کی ایک معقول وجہ سامنے آئی ہے کہ ظہرانے کے وقت آصف علی زرداری کا ذاتی اسٹاف ان کیلئے پرہیزی کھانا اور ان کی ادویات لیکر آیا، جسے وہ معالج کی تجویز پر استعمال کر رہے ہیں۔
