بھارتی ریاست کرناٹک کے بعض تعلیمی اداروں میں مسلمان طالبات کے حجاب پر پابندی کے خلاف مظاہروں کے بعد حالات کشیدہ ہو گئے ہیں۔
یاد رہے کہ گزشتہ مہینے ریاست کرناٹک کے متعدد تعلیمی اداروں نے یونیفارم اور ڈریس کوڈ کی آڑ میں مسلمان طالبات کے حجاب پر پابندی عائد کر دی تھی، جس پر طالبات نے احتجاج کیا تو انہیں سکولوں میں داخلے سے روک دیا گیا تھا۔
آج کرناٹک کی ہائیکورٹ میں تعلیمی اداروں کی انتظامیہ کے خلاف کیس کی سماعت مقرر تھی، کہ اسی دوران انتہا پسند ہندوؤں نے پر تشدد مظاہرے شروع کر دئیے۔ کالج جانے والی باحجاب طالبات کا گھیراؤ کیا اور انہیں ہراساں کرنے کی کوشش کی۔
انہی مظاہروں کے دوران ایک باہمت طالبہ کی ویڈیو سوشل میڈیا پر تیزی سے وائرل ہو رہی ہے جو ہندو انتہا پسندوں کے ہجوم کے سامنے ڈٹ کر کھڑی ہو جاتی ہے، اور اللہ اکبر کے نعرے لگاتی ہے۔
وائرل ویڈیو میں دیکھا جا سکتا ہے کہ ہندو انتہا پسندوں کا ہجوم جے شری رام کے نعرے لگاتا ہوا باحجاب لڑکی کا گھیراؤ کرنے کی کوشش کرتا ہے، لیکن لڑکی ڈرنے کی بجائے ان کے سامنے کھڑی ہو جاتی ہے۔
A more expanded and clean feed of the above episode. #KarnatakaHijabRow pic.twitter.com/TIieUQJUWN
— Imran Khan (@KeypadGuerilla) February 8, 2022
سوشل میڈیا پر ویڈیو وائرل ہونے کے بعد بالی وڈ اداکارہ سویرا بھاسکر نے ہندو انتہا پسندوں کے ہجوم کو بھیڑئیے قرار دیا۔
भेड़िये ! https://t.co/GnceytfDXL
— Swara Bhasker (@ReallySwara) February 8, 2022
کشمیری رہنما محبوبہ مفتی کا کہنا تھا کہ ایک مسلمان باحجاب لڑکی کو دن دیہاڑے ایک ہجوم کی جانب سے ہراساں کرنا یہ ظاہر کرتا ہے کہ اسے حکومتی سرپرستی حاصل ہے۔
Harassing a muslim girl in broad daylight without fear of any repercussion shows such goons enjoy patronage from those in power. Such incidents shouldn’t be seen in isolation as BJP hopes that it helps to polarise in UP elections. https://t.co/NJo058o1xi
— Mehbooba Mufti (@MehboobaMufti) February 8, 2022
بھارتی اسکالر اشوک سوائن نے کہا کہ بھارت کو ہندو انتہا پسندوں نے ہائی جیک کر رکھا ہے، دنیا میں ہے اس لڑکی جتنی جرات کیا کسی اور کے پاس بھی ہے جو اس ہجوم کے سامنے کھڑے ہو سکے؟
How many in this world would have the courage to face a bigoted mob like this?
— Ashok Swain (@ashoswai) February 8, 2022
حالات میں کشیدگی کے باعث کرناٹک کے وزیراعلیٰ نے تعلیمی ادارے 3 روز کیلئے بند رکھنے کا اعلان کیا ہے۔
