ضیاءالدین یوسفزئی نے اپنی بیٹی ملالہ یوسفزئی کے برطانیہ میں علاج سمیت دیگر اخراجات کے ذرائع کا بتا دیا ہے۔
بھارتی صحافی ابھیجیت نے ٹوئٹ کرتے ہوئے سوال کیا کہ ملالہ یوسفزئی کے برطانیہ میں قیام اور علاج سمیت دیگر اخراجات کس نے برداشت کئے ہیں۔
ابھیجیت کے ٹوئٹ پر بھارتی شہریوں کے ایک مخصوص طبقے نے مضحکہ خیز تبصرے شروع کر دئیے۔ جس پر ملالہ یوسفزئی کے والد ضیاءالدین یوسفزئی نے جواب دیتے ہوئے کہا کہ یہ اخراجات پاکستان نے اٹھائے ہیں۔
Pakistan 🇵🇰:) https://t.co/ON2BCVYNIM
— Ziauddin Yousafzai (@ZiauddinY) February 9, 2022
یاد رہے کہ 2012ء میں ملالہ پر طالبان نے سکول جاتے ہوئے حملہ کیا تھا، جس کے بعد انہیں زخمی حالت میں پہلے پشاور پھر راولپنڈی کے ہسپتال میں لایا گیا۔ طبیعت سنبھلنے پر مکمل علاج کیلئے پھر ملالہ کو برطانیہ بھیجا گیا، جس کے بعد سے وہ وہیں مقیم ہیں۔
