آج 10 وفاقی وزراء کو بہترین کارکردگی کی بنیاد پر میڈلز سے نوازنے پر چیئرمین پیپلز پارٹی بلاول بھٹو کا ردعمل سامنے آیا ہے۔
ملتان میں ورکرز کنونشن سے خطاب کرتے ہوئے چیئرمین پیپلز پارٹی بلاول بھٹو کا کہنا تھا کہ آج وزیراعظم عمران خان نے اپنے 10 چمچوں میں سرٹیفکیٹ بانٹے، لیکن انہیں کابینہ کے باقی ممبران پر اعتماد نہیں۔
بلاول بھٹو نے کہا کہ اگر چین کا دورہ اتنا کامیاب تھا تو اس کا سرٹیفکیٹ کہاں گیا، وزیر خارجہ کو بھی کوئی کاغذ کا سرٹیفکیٹ ہی دے دیتے، لیکن افسوس انہوں نے ملتان کیساتھ ناانصافی کی۔
اپنے خطاب میں چیئرمین پیپلز پارٹی کا مزید کہنا تھا کہ بس بہت ہو چکا ہے، ہم نے جدوجہد کرنی ہے، مارچ سے پہلے ہمیں کامیابی نظر آ رہی ہے، مارچ شروع ہونے سے پہلے ہی ایک وکٹ گرچکی ہے، عدم اعتماد میں تھوڑی تبدیلی نظر آنا شروع ہو گئی ہے، عدم اعتماد لائیں گے تو پورے ملک کو نظر آئے گا کہ کون خان صاحب کے ساتھ کھڑا ہے۔
“جب ہم عدم اعتماد لائیں گے تو واضح ہوجائے گا کہ کون خان کے ساتھ کھڑا ہے اور کون عوام کے ساتھ کھڑا ہے۔”
چیئرمین پاکستان پیپلز پارٹی بلاول بھٹو زرداری@BBhuttoZardari
3/3 pic.twitter.com/pRn6uvOhjY— PPP (@MediaCellPPP) February 10, 2022
