بالی وڈ کی 90 کی دہائی کی معروف اداکارہ روینہ ٹنڈن کے مداحوں کیلئے آنے والی خبر نے انہیں افسردہ کر دیا ہے۔
تفصیلات کے مطابق روینہ ٹنڈن کے والد روی ٹنڈن آج صبح انتقال کر گئے ہیں۔ انسٹاگرام پر اپنے پیغام میں روینہ ٹنڈن نے کہا کہ ان کے والد آج صبح چل بسے ہیں، وہ ان کے اور ان کے خاندان کیلئے ایک طاقتور ستون کی حیثیت رکھتے تھے۔
View this post on Instagram
روینہ ٹنڈن نے دعاؤں اور نیک خواہشات پر مداحوں کا شکریہ بھی ادا کیا۔
بالی وڈ اداکارہ نے اپنے جذبات شیئر کرتے ہوئے کہا پاپا میں آپ سے بہت پیار کرتی ہوں، آپ ہمیشہ میرے ساتھ چلیں گے، میں ہمیشہ آپ ہی کے ساتھ رہوں گی۔
یادرہے کہ فلم ساز روی ٹنڈن کھیل کھیل میں، انہونی، نذرانہ، خود دار اور زندگی جیسی فلموں کی ہدایت کاری کیلئے مشہور تھے۔
