وزیر خارجہ شاہ محمود قریشی ایک روزہ دورے پر افغانستان کے دارالحکومت کابل پہنچ گئے ہیں جہاں انہوں نے افغانستان کے نائب وزیر اعظم حسن اخوند اور وزیر خارجہ امین حسن متقی سمیت اعلیٰ قیادت سے ملاقات کی, وزیر خارجہ مخدوم شاہ محمود قریشی نے کہا ہے کہ پاکستان افغانستان میں دیرپا امن اور استحکام کا خواہاں ہے۔
Minister of Foreign Affairs of Pakistan Shah Mahmood Qureshi calls on acting Prime Minister of Afghanistan Mullah Hasan Akhund in Kabul Afghanistan.
#APPNews #Pakistan #Afghanistan @SMQureshiPTI @TeamSMQ @PakinAfg pic.twitter.com/3zjFxQBNDg— APP 🇵🇰 (@appcsocialmedia) October 21, 2021
تفصیلات کے مطابق افغانستان کی عبوری حکومت کے وزیر اعظم ملا حسن آخوند نے وزیر خارجہ شاہ محمود قریشی اور پاکستانی وفد کو کابل آمد پر خوش آمدید کہا۔وزیر خارجہ شاہ محمود قریشی اور افغانستان کے عبوری وزیر اعظم ملا حسن آخوند کی ملاقات ہوئی جس میں دو طرفہ باہمی دلچسپی کے امور ،تجارتی و اقتصادی شعبہ جات میں تعاون بڑھانے اور افغان عوام کو معاشی بحران سے نکالنے کیلئے مختلف پہلوؤں پر تبادلہ خیال کیا گیا۔ دفتر خارجہ کے مطابق افغانستان کی عبوری حکومت کے نائب وزیر اعظم حسن اخوند کی جانب سے وزیر خارجہ مخدوم شاہ محمود قریشی اور ان کے وفد کے اعزاز میں ظہرانہ دیا گیا۔
وزیر خارجہ شاہ محمود قریشی نے کہا کہ پاکستان، افغانستان میں دیرپا امن اور استحکام کا خواہاں ہے ، پاکستان، انسانی بنیادوں پر افغان بھائیوں کی مدد کیلئے پر عزم ہے۔وزیر خارجہ نے کہا کہ افغان شہریوں بالخصوص تاجروں کیلئے ویزہ سہولیات، نئے بارڈر پوائنٹس کا اجراء اور نقل و حرکت میں سہولت کی فراہمی اسی سلسلے کی کڑیاں ہیں ، پاکستان، افغانستان کے قریبی ہمسایہ ممالک کے ساتھ مل کر، خطے میں امن و استحکام کیلئے اپنا تعمیری کردار ادا کرنے کیلئے پر عزم ہے۔
افغان حکومت کے عبوری وزیراعظم ملا حسن آخوند نے انسانی امداد کی بروقت فراہمی پر پاکستانی قیادت کا شکریہ ادا کیا۔
