طالبان نے 40 سالہ افغان جنگ کے براہ راست متاثرین کو امداد کی منظوری دے دی ہے۔

میڈیا رپورٹس کے مطابق یہ منظوری طالبان حکومت کی کابینہ نے دی ہے، افغانستان میں طالبان حکومت کے نائب ترجمان بلال کریمی کا اپنے بیان میں کہنا تھا کہ یہ امداد شہدا کے خاندان، معذور افراد اور یتیموں کو فراہم کی جائے گی۔ انہوں نے واضح کیا  کہ سابق حکومت اور سیکیورٹی فورسز کے جنگ سے متاثرہ افراد کو بھی امداد ملے گی۔

یاد رہے کہ  گزشتہ مہینے طالبان حکومت اپنا پہلا بجٹ بھی پیش کر چکی ہے، جبکہ علاوہ ازیں طالبان حکومت نے شہداء کے لواحقین کو پلاٹ دینے کا بھی اعلان کیا تھا۔