وفاقی وزیرِ اطلاعات فواد چوہدری نے کہا ہے کہ پنجاب کا ہر خاندان صحت کارڈ پر 10 لاکھ روپے سالانہ حاصل کرسکے گا۔
ٹوئٹر پر اپنے پیغام میں وزیرِ اطلاعات فواد چوہدری نے کہا کہ خیبر پختونخوا کے بعد اب پنجاب کا ہر خاندان 10 لاکھ روپے تک ہر سال صحت کارڈ کے ذریعے حاصل کرے گا جو گیم چینجر پروگرام ہے۔پیغام میں فواد چوہدری نے کہا کہ اس پروگرام صحت کارڈ کے ذریعے اب معیاری علاج غریب ترین سے متوسط طبقے تک ہر فرد کو میسر آئے گا جبکہ ضروریاتِ زندگی پر بھی ریلیف دیا جائے گا۔ فواد چوہدری نے کہا کہ حکومت صحت، تعلیم اور 4 بنیادی اشیائے ضرورت یعنی آٹا، چینی، دال اور گھی پر بڑا ریلیف لا رہی ہے۔
صحت کارڈ آپ اپنی مرضی کے کسی بھی ڈاکٹر یا ہسپتال میں استعمال کر سکیں گے سرکاری ہی نہیں پرائیویٹ ڈاکٹر اور ہسپتال بھی اب آپ کے علاج کیلئے بلامعاوضہ میسر ہوں گے https://t.co/xbpXwFsr85
— Ch Fawad Hussain (@fawadchaudhry) October 22, 2021
شروع انشاللہ دسمبر میں ہو گا اور مارچ تک پورے پنجاب کو صحت کارڈ مل جائینگے https://t.co/QNXCkuByeK
— Ch Fawad Hussain (@fawadchaudhry) October 22, 2021
خیال رہے کہ اس سے قبل وزیر اعظم عمران نے خیبر پختونخوا میں صحت کارڈ پلس پروگرام کا افتتاح کیا تھا۔
