بھارتی وزیراعظم نریندر مودی کااپنی مخصوص حرکت کے باعث سوشل میڈیا پر پھر سے مذاق اڑایا جا رہا ہے۔
تفصیلات کے مطابق بھارتی وزیر اعظم نریندر مودی نے دارالحکومت نئی دہلی میں ایک مندر کا دورہ کیا اور اس دوران انہوں نے مندر میں پوجا بھی کی۔
پوجا کے بعد مندر کا تاریخی رجسٹر لایا گیا جس میں خصوصی مہمان اپنے تاثرات درج کرتے ہیں۔ یہاں نریندر مودی نے بھارتی عوام کو بیوقوف بنانے کی کوشش کی، لیکن معاملہ الٹا پڑ گیا۔
بھارتی وزیراعظم نریندر مودی نے تاثرات تحریر کرنے والے رجسٹر کے صفحے پر ایسے ہی قلم ہلانا شروع کر دیا جیسے واقعی وہ کچھ لکھ رہے ہوں، لیکن کیمرے نے جو ریکارڈ کیااس نے پول کھول کے رکھ دیا۔
سوشل میڈیا پر وائرل ویڈیو میں دیکھا جا سکتا ہے کہ نریندر مودی ہوا میں قلم ہلا رہے تھے اور رجسٹر میں تاثرات پہلے سے درج تھے۔
Modi ji’s contribution to Indian farmers is just like writing something without touching the pen on paper.#BoycottAntiFarmerBJP pic.twitter.com/A6FpPjoTMF
— Haraprasad Behera (@Haraprasad_) February 17, 2022
مندر کے رجسٹر میں تاثرات درج کرنے کے معاملے کی حقیقت سامنے آنے پر سوشل میڈیا صارفین نے بھارتی وزیراعظم کو اداکار قرار دیا۔
یاد رہے کہ اس سے قبل ورلڈ اکنامک فورم کے ورچوئل خطاب کرتے ہوئے بھارتی وزیراعظم نریندر مودی کا ٹیلی پرومپٹر خراب ہو گیا، اور تقریر انہیں زبانی یاد نہیں تھی۔ اس صورتحال میں نریندر مودی نے یہ تاثر دینے کی کوشش کی کہ ان کی آواز سامعین کے پاس نہیں جا رہی، اور وہ تقریر جاری نہیں رکھ سکے تھے۔