روس کے یوکرین پر حملے کے صرافہ مارکیٹ پر بھی اثرات مرتب ہوئے ہیں، جس کے بعد پاکستان میں فی تولہ سونے کی قیمت میں آج بڑا اضافہ ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 3400 روپےکے بڑے اضافےکے بعد  فی تولہ سونےکی قیمت ایک لاکھ 30 ہزار 300 روپے ہو گئی ہے۔ 10 گرام سونے کی قیمت بھی 2915   روپے کے اضافے کے بعد ایک لاکھ 11 ہزار 711 روپے ہو گئی ہے۔

عالمی صرافہ مارکیٹ میں بھی سونے کی قیمت میں بڑا اضافہ ریکارڈ کیا گیا ہے، جہاں فی اونس سونے کی قیمت 77 ڈالر کے اضافے کے بعد 1972 ڈالر پر پہنچ گئی ہے۔