آپ کے پاس ووٹ لینے آیا ہوں، آپ اپنا کردار ادا کریں،سابق صدر پاکستان آصف علی زرداری کا امیر جماعت اسلامی سے مکالمہ۔

تفصیلات کے مطابق دونوں رہنماؤں کے درمیان ہونے والی ملاقات میں سابق صدر آصف زرداری نے واضح طور پر کہا کہ جماعت اسلامی اپوزیشن کی بڑی پارٹی ہے اور آپ کا ایک ووٹ ہمارے لیے انتہائی اہمیت کا حامل ہے، ان کا کہنا تھا کہ ہمیں ووٹ دیں کیونکہ ماضی میں ایک ووٹ کم ہونے سے بل پاس ہو گیا تھا۔

آصف زرداری نے واضح طور پر کہا کہ حکومت مکمل طورپر ناکام ہو گئی ہے، داخلی و خارجی محاذوں پرحکومت مکمل پسپائی اختیار کر چکی ہے،عدم اعتماد پر کوئی بھی تحفظات ہیں تو ہمیں بتا ئیں انہیں دور کرنے کے لیے تیار ہیں ،الیکشن اصلاحات پر آپ کے مؤ قف کی مکمل تائید کرتا ہوں، عدم اعتماد کے نتیجے میں بننے والی نئی حکومت سب سے پہلے الیکشن اصلاحات کرے گی۔

امیر سراج الحق نے کہا کہ تجاویز کو جماعت اسلامی کی مجلس شوریٰ میں رکھیں گے، اس کے بعد جواب دیں گے۔