اقوام متحدہ کی ماحولیاتی کانفرنس میں روسی وفد کے سربراہ نے یوکرین حملے پر معافی مانگ لی ہے۔
غیر ملکی خبر رساں ادارے کی رپورٹ کے مطابق روسی وفد کے سربراہ اولیگ انسی موف نے ماحولیاتی کانفرنس کی ورچوئل میٹنگ میں کہا کہ روس کے یوکرین پر حملے کا کوئی جواز پیش نہیں کیا جاسکتا۔ میڈیا رپورٹس کے مطابق روسی نمائندے کے بیان سے قبل ان کے یوکرینی ہم منصب سویتلانا کراکوسکا نےروس کے حملے کے بعد ملک کی حالت زار کے متعلق بریفنگ دی، اور جنگ میں بڑے ہتھیاروں کے استعمال سے ماحولیاتی آلودگی پر مرتب ہونے والے اثرات کے متعلق آگاہ کیا۔
اس کے بعد روسی وفد کے سربراہ اولیگ انسی موف نے کہا کہ مجھے ان تمام روسی شہریوں کی جانب سے معافی مانگنے دیں جو اس تصادم کو روک نہ سکے۔ انہوں نے کہا کہ میری طرح دیگر روسی بھی اس حملے کا جواز تلاش کرنے میں کامیاب نہیں ہو سکیں گے۔
فرانسیسی جریدے فرانس 24 نے روسی وفد کے سربراہ کی گفتگو سننے والے تین مصدقہ ذرائع کی جانب سے اس بیان کی تصدیق کی ہے۔
The Russian head of delegation at a major UN climate conference has apologised for his country’s invasion of Ukraine, which he said lacked justification, according to several sources who heard him speak at the virtual meetinghttps://t.co/1eg3jwxM6O
— AFP News Agency (@AFP) February 27, 2022
یاد رہے کہ چند روز قبل روس کے یوکرین پر حملے کے بعد آج روسی افواج یوکرین کے دارالحکومت کے بالکل قریب پہنچ چکی ہیں، اور دوسری جانب یوکرینی صدر نے ملک سے فرار ہونے کی امریکی پیشکش مسترد کر دی ہے۔