کورونا وبا کے بعد پہلی بار اس رمضان میں زیادہ سے زیادہ تعداد کو خانہ کعبہ اور مسجد نبوی ﷺ میں عبادت کی اجازت دی جائے گی جس کے لیے خصوصی تیاریاں کی کی جارہی ہیں۔
سعودی میڈیا کے مطابق حرمین شریفین کے انتظامی امور کے سربراہ شیخ ڈاکٹر عبدا لرحمان السدیس نے رمضان المبارک کی تیاریوں کے حوالے سے اجلاس کی سربراہی کی جس میں رمضان المبارک کے دوران عبادت گزاروں کو بہترین سہولتیں فراہم کرنے کے لیے لائحہ عمل کا جائزہ لیا گیا۔
شیخ ڈاکٹر عبدا لرحمان السدیس نے معتمرین کی صحت و سلامتی کے لیے کورونا ایس او پیز کی مکمل پابندی پر زور دیتے ہوئے کہا کہ رمضان کی مبارک سعادتوں کو مقدس مساجد میں گزارنے کی واحد شرط مکمل طور ویکسین شدہ ہونا ہے۔
The General President Sheikh Sudais stresses the importance of providing the best services to the pilgrims of the Two Holy Mosques during the holy month of #Ramadan2022 pic.twitter.com/ZiWL9B9nrW
— Haramain Sharifain (@hsharifain) February 28, 2022
انہوں نے مزید کہا کہ غیر منظور شدہ ویکسین لگوانے والے غیر ملکی معتمرین کو بوسٹر ڈوز بھی لگوانا ہوگی اور اس کے بعد خود کو اعتمرنا ایپ پر مکمل طور پر ویکسین شدہ رجسٹر کرانا ہوگا۔
ڈاکٹر عبدالرحمان السدیس نے خادمین کو ہدایت کی کہ رمضان میں عبادت کے لیے پُرسکون ماحول فراہم کرنے میں کوئی کسر نہ چھوڑی جائے اور معتمرین کے تحفظ کے لیے سماجی فاصلے سمیت کورونا پابندیوں پر عمل کروایا جائے۔
یاد رہے کہ کورونا کیسز میں اضافے کے باعث خانہ کعبہ اورمسجد نبوی ﷺ میں کورونا ایس او پیز کے تحت بعض پابندیاں نافذ کی گئی تھیں، جس کے بعد محدود تعداد میں نمازیوں کے داخلے کی اجازت تھی۔
