قومی اسمبلی سیکرٹریٹ کی طرف سے کل کے اجلاس کیلئے 22 نکاتی ایجنڈا جاری کردیا گیا ہے۔ حکومت کی طرف سے الیکشن ترمیمی بل 2021ء کو منظوری کیلئے مشترکہ اجلاس میں بھیجنے کی تحریک پیش کی جائے گی۔فیڈرل گورنمنٹ پراپرٹیز مینجمنٹ اتھارٹی آرڈیننس ایوان کے سامنے پیش کیا جائے گا۔پاکستان بیت المال ترمیمی بل 2021ء منظوری کے لئے پیش کیا جائے گا۔متروکہ وقف املاک مینجمنٹ اینڈ ڈسپوزل ایکٹ 1975ء میں ترمیم کا بل بھی پیش کیا جائے گا۔

گورنمنٹ سیونگز بنک ترمیمی بل اورپوسٹ آفس نیشنل سیونگز سرٹیفکیٹ ترمیمی بل 2021ء پر قائمہ کمیٹی فنانس کی رپورٹ پیش کی جائے گی۔وفاقی وزیر قانون بیرسٹر فروغ نسیم آئین کے آرٹیکل48 میں ترمیم کا بل پیش کریں گے۔ہائیر ایجوکیشن ترمیمی بل21 بھی قانون سازی کے لئے پیش کیا جائے گا۔وزیر خزانہ آڈیٹر جنرل کی 2020ء-21ء کی آڈٹ رپورٹ ایوان میں پیش کریں گے۔وزارت صنعت و پیداوار کے ماتحت اداروں کی ناقص کارکردگی بارے توجہ دلا ؤ نوٹس بھی ایجنڈے پر موجودہے۔