انڈین پریمیئر لیگ کو بڑا نقصان ہو گیا، انٹرنیشنل کھلاڑیوں نے کھیلنے سے انکار کر دیا۔
تفصیلات کے مطابق انگلش ٹیم کے بیٹسمین جیسن رائے نے انڈین پریمئیر لیگ سیزن 15 میں شرکت کرنے سے معذورت کر لی ہے،ٹوئٹر پر اپنے ایک پیغام کہا ہےاس سال میں آئی پی ایل میں شرکت نہیں کر سکتا ۔
IPL 2022. pic.twitter.com/fZ0LofBgSE
— Jason Roy (@JasonRoy20) March 1, 2022
یاد رہے کہ جیسن رائے آئی پی ایل سیزن 15 میں پہلی بار شرکت کرنے والی فرنچائز گجرات ٹائٹینز کا حصہ تھے ، جس نے انہیں دو لاکھ 66 ہزار ڈالرز میں اپنی ٹیم کے لئے خریدا ہے۔
برطانوی میڈیا کو انٹرویو دیتے ہوئے جیسن رائے نے کہا کہ گزشتہ دو سال سے میں کووڈ پابندیوں اور متعدد بائیو سیکیور ببلز کا حصہ رہا ہوں اب تھک گیا ہوں،ان دو سالوں میں اپنی فیملی کو وقت نہیں دے پایا، میں اب کچھ وقت اپنی فیملی کو دینا چاہتا ہوں۔
ان کا مزید کہنا تھا کہ میں نے یہ محسوس کیا ہے کہ اپنی بیوی اور بیٹے کے ساتھ رہنے کا یہی صحیح وقت ہے۔ انہوں نے اپنے ٹوئٹ میں گجرات ٹائٹینز کے مداحوں سے بھی معذرت کی۔
ذرائع کے مطابق دیگر غیر ملکی کھلا ڑیوں نے بھی آئی پی ایل کے سخت پالیسیوں پر خدشات کا اظہار کیا ہے اور خدشہ ہے کہ اگر آئی پی ایل انتظامیہ نے اس پر نظر ثانی نہ کی تو مز ید غیر ملکی کھلاڑی بھی ایونٹ کو چھوڑ کر جا سکتے ہیں۔
