لاہور میں خواجہ سرا کا اپنے ساتھیوں کیساتھ مل کر ایک طالبعلم کو برہنہ کر کے تشدد کرنے کا واقعہ سامنے آیا ہے۔

تفصیلات کے مطابق لاہور کے علاقے جوہر ٹاؤن میں درج کرائی گئی ایف آئی آر میں کہا گیا ہے کہ طالبعلم کی خواجہ سرا سے سوشل میڈیا پر دوستی ہوئی تھی، اور خواجہ سرا نے اسے اللہ ہو گول چکر پر ملنے کیلئے بلایا تھا۔

ایف آئی آر میں بتایا گیا ہے کہ خواجہ سرا نے اپنے دیگر 4 خواجہ سرا ساتھیوں کے ساتھ مل کر گن پوائنٹ پہ نوجوان کو تشدد کا نشانہ بنایا اور برہنہ کرکے ویڈیوز بھی بنائیں۔

ایف آئی آر میں مزید کہا گیا ہے کہ  خواجہ سرا نے اسلحے کے زور پرطالبعلم سےموبائل اور موٹرسائیکل بھی چھین لی جبکہ ویڈیو بنا کر گھر سے پیسے  منگوانے پر مجبور کرتے رہے اور پیسے نہ ملنے پر فرار ہو گئے۔پولیس نے مقدمہ درج کر کے مزید کارروائی شروع کر دی۔