وزیراعظم عمران خان سے آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل فیض حمید کی بنی گالا میں اہم ملاقات ہوئی ہے۔
تفصیلات کے مطابق وزیراعظم سے آرمی چیف کی پہلے ملاقات علیحدگی میں ہوئی، بعد میں ڈی جی آئی ایس آئی لیفٹیننٹ جنرل فیض حمید بھی ملاقات میں شامل ہوگئے۔
وزیراعظم عمران خان کی زیرصدارت بنی گالا میں اہم اجلاس ہوا جس میں آرمی چیف، ڈی جی آئی ایس آئی، ڈی جی ایم آئی، ڈی جی ایم اوز، ڈی جی آئی بی اور وزیرداخلہ بھی شریک ہوئے۔ اجلاس میں وزیر داخلہ نے امن وامان کی صورتحال پر بریفنگ دی۔
ملاقات میں ملک کی داخلی سلامتی، مجموعی طور پر امن و امان اور خطے کی صورتحال کا جائزہ لیا گیا۔
