افغانستان میں طالبان کی عبوری حکومت نے آج پشاور میں کوچہ رسالدار جماع مسجد میں ہونے والے بم دھماکے کی سخت مذمت کی ہے۔
طالبان حکومت کے ترجمان اور افغانستان کے نائب وزیر اطلاعات ذبیح اللہ مجاہد نے ٹوئٹر پر جاری اپنے بیان میں پشاور بم دھماکے کی شدید مذمت کی ہے۔ انہوں نے کہا کہ معصوم شہریوں اور نمازیوں پر حملوں کا کوئی جواز نہیں بنتا۔
خواخوږي:
موږ د پاکستان پیښور کې په یوه مسجد کې چاودنه غندو، په ملکي خلکو او عبادت کونکو برید هیڅ توجیه نه لري.
په پیښه کې له ټولو متضررینو سره خپله ژوره خواخوږي ښیو.— Zabihullah (..ذبـــــیح الله م ) (@Zabehulah_M33) March 4, 2022
افغاننستان کے نائب وزیر اطلاعات ذبیح اللہ مجاہد نے سانحہ پشاور کی شدید الفاظ میں مذمت کرتے ہوئے جاں بحق افراد کے لواحقین سے تعزیت کا اظہار کیا۔
یاد رہے کہ آج پشاور کے علاقے قصہ خوانی بازار میں کوچہ رسالدار کی جامع مسجد میں خود کش بم دھماکے کے نتیجے میں 56 افراد شہید اور 194 سے زائد زخمی ہو گئے تھے، زخمیوں میں متعدد افراد کی حالت تشویش ناک بتائی جاتی ہے۔
