آج اسلام آباد میں پریس کانفرنس کرتے ہوئے مشیر خزانہ شوکت ترین نے کہا کہ ہم نے سعودی عرب سے 3 ارب ڈالر اسٹیٹ بینک میں ڈیپازٹ کرانے کی درخواست کی تھی لیکن انہوں نے 4.2 ارب ڈالر کاپیکج دیا ہے، یہ رقم ہمارے لیے بہت مفید ہے اور اس رقم کا آئی ایم ایف سے کوئی تعلق نہیں۔
مشیر خزانہ کا کہنا تھا کہ سعودی عرب سے گفتگو چل رہی تھی، معاہدے کے خدوخال اب طے ہوگئے ہیں، وزیراعظم کے حالیہ دورے میں سعودی عرب نے منظوری دی۔
سعودی عرب پاکستان کے معاشی پیکج میں محفوظ ذخائر میں 3 ارب ڈالر اور مؤخر ادائیگیوں پر ایک ارب 20 کروڑ ڈالر کے تیل کی فراہمی شامل ہے۔سعودی ترقیاتی فنڈ غیر ملکی کرنسی کے محفوظ اثاثوں میں سپورٹ اور کورونا وبا سے نمٹنے کیلئے سٹیٹ بینک آف پاکستان میں 3 ارب ڈالر جمع کرائے گا۔
وزیراعظم عمران خان نے سعودی عرب کے تین ارب ڈالر کے سٹیٹ بینک میں ڈپازٹ اور 1 ارب 20 کروڑ ڈالر کی پٹرولیم مصنوعات میں فنانسنگ پر محمد بن سلمان کا شکریہ ادا کیا۔ وزیراعظم عمران خان کا کہنا تھا کہ سعودی عرب نے مشکل وقت میں ہمیشہ پاکستان کا ساتھ دیا، ابھی بھی ایسے وقت میں تعان کیا گیا جب دنیا بھر کو اشیاءکی قیمتوں میں اضافے کا سامنا ہے۔
I want to thank HRH Prince Mohammad bin Salman for supporting Pak with $3 bn as deposit in Pak’s central bank & financing refined petroleum product with $1.2 bn. KSA has always been there for Pak in our difficult times incl now when world confronts rising commodity prices.
— Imran Khan (@ImranKhanPTI) October 27, 2021
وزیر اطلاعات فود چوہدری نے سعودی عرب کی طرف سے سٹیٹ بینک آف پاکستان میں تین ارب ڈالر جمع کرنے کے اعلان کو خوش آئند قرار دیا ہے۔ایک ٹوئٹر بیان میں ان کا کہنا تھا کہ سعودی عرب نے سال کے دوران ایک ارب 20 کروڑ ڈالر مالیت کی ریفائنڈ پیٹرولیم مصنوعات کی مالی سہولت کا بھی اعلان کیا ہے۔
Breaking news
Saudi Arabia announcement support Pakistan with 3 billion US dollar as deposit in Pakistan central bank
and also financing refined petroleum prodcut with 1. 2 billion us dollars during the year https://t.co/z2izW1avIT https://t.co/z2izW1avIT— Ch Fawad Hussain (@fawadchaudhry) October 26, 2021
سعودی ترقیاتی فنڈ نے بیان میں کہا ہے کہ ’شاہی ہدایت پر فنڈ سٹیٹ بینک آف پاکستان میں 3 ارب ڈالر جمع کرائے جائیں گے تاکہ غیر ملکی کرنسی کے محفوظ اثاثوں اور کورونا وبا سے نمٹنے کے سلسلے میں پاکستانی حکومت درپیش مسائل کا سامنا کرسکے۔سعودی ترقیاتی فنڈ کا کہنا ہے کہ ’شاہی ہدایت کے مطابق پاکستان کو تیل کے کاروبار کی مد میں ایک ارب 20 کروڑ ڈالر مالیت کا فنڈ بھی ایک سال کے دوران فراہم کیا جائے گا- وفاقی وزیر پاور ڈویژن حماد اظہر نے سعودی عرب کی جانب سے معاشی امداد کے اعلان کو خوش آئند قرار دیا ہے۔
اپنی ٹویٹ میں ان کا کہنا تھا کہ سعودی عرب کی جانب سے سٹیٹ بینک آف پاکستان میں تین ارب ڈالر جمع کرانے سے ہماری تجارت اور فاریکس اکاؤنٹس پر دباؤ کم ہوگا۔
The Saudi Development Fund has generously announced for Pakistan an oil deferred payments facility of $1.2bn/annum and a $3 bn deposit with SBP. This will help ease pressures on our trade & forex accounts as a result of global commodities price surge.
— Hammad Azhar (@Hammad_Azhar) October 26, 2021
یاد رہے کہ سعودی عرب کی حکومت ماضی میں بھی پاکستان کو نہ صرف مالی مدد فراہم کرتی رہی ہے بلکہ تاخیر سے ادائیگی پر تیلی کی فراہمی بھی یقینی بناتی رہی ہے۔ واضح رہے کہ وزیراعظم پاکستان عمران خان نے سعودی ولی عہد محمد بن سلمان کی دعوت پر 23 سے 25 اکتوبر تک سعودی عرب کا تین روزہ دورہ کیا تھا۔ اپنے دورہ سعودی عرب کے دوران وزیراعظم عمران خان نے سعودی عرب کی جانب سے منعقد کی گئی مڈل ایسٹ گرین انیشیٹیو کانفرنس میں شرکت کی تھی۔
