پی ٹی وی نیوز کے آفیشل ٹوئٹر اکاؤنٹ سے ٹوئٹ میں کہا گیا ہے کہ پی ٹی وی انتظامیہ نے پی ٹی وی سپورٹس پر شعیب اختر کے ساتھ پیش آنے والے واقعے کا نوٹس لیا ہے، جس کی تحقیقات کیلئے کمیٹی تشکیل دے دی گئی ہے۔
ٹوئٹ میں کہا گیا کہ تحقیقاتی کمیٹی کا پہلا اجلاس آج ہو گا جس میں ڈاکٹر نعمان نیاز اور شعیب اختر کے درمیان شو کے دوران پیدا ہونے والی صورتحال کا جائزہ لیا جائے گا۔
پی ٹی وی انتظامیہ کا پی ٹی وی سپورٹس پر شعیب اختر کےساتھ پروگرام میں پیش آنے والے واقعہ کا نوٹس pic.twitter.com/Q9pwvLD08V
— PTV News (@PTVNewsOfficial) October 27, 2021
وفاقی وزیر اطلاعات فواد چوہدری کی جانب سے معاملہ علم میں آنے کے بعد انہوں نے پی ٹی وی کی انتظامیہ کو فوری تحقیقات کا حکم دیا ہے۔انہوں نےکہا کہ اس معاملے کی تحقیقات کیلئے کمیٹی تشکیل دے دی ہے جس کی سربراہی ایم ڈی پی ٹی وی کریں گے جب کہ پی ٹی وی کے ایچ آر سمیت دیگر شعبوں کے لوگ بھی کمیٹی کا حصہ ہیں۔
یاد رہے کہ گزشتہ روز پاکستان اور نیوزی لینڈ کے میچ پر تبصرہ کرتے ہوئے شعیب اختر ساتھ ساتھ مزاق بھی کر رہے تھے جس پر پروگرام کے میزبان ڈاکٹر نعمان نے انہیں پروگرام چھوڑ کر چلے جانے کو کہا۔ شعیب اختر اور ڈاکٹر نعمان نیاز میں تلخ کلامی کے وقت ویو رچرڈز ،ڈیوڈگاور،عمر گل،راشد لطیف،اظہر محمود اور ثنا میر بھی شو میں موجود تھے۔شو کے میزبان ڈاکٹر نعمان نے اس وقت شو میں بریک لے لی، جس کےبعد شعیب اختر واپس شومیں موجود تھے اور دونوں نے ہی اس واقعہ کو مذاق قرار دیا، لیکن اس کے بعدشعیب اختر نے لائیو شو کے دوران ہی استعفیٰ دے دیا اور اٹھ کر چلے گئے۔
WOW!!!! Shoaib Akhtar just walks out of PTV Sports during live show. “jis tarah national TV par mere sath behave kiya gaya hai, I don’t think I should be sitting here. I am resigning from PTV” Right thing to do after Dr Nauman Niaz insulting a national hero on national TV. 👏 https://t.co/vmA0BtbaDU pic.twitter.com/EPuqzweoqr
— Hassan (@iamhassan9) October 26, 2021
بعدازاں ٹوئٹر پر اپنے ویڈیو میسج میں شعیب اختر نے کہا کہ جب ڈاکٹر نعمان نے مجھے شو سے اٹھ کر جانے کو کہا تو بریک کے بعد میں نے سوچا کہ انٹرنیشنل کھلاڑی بیٹھے ہیں، دنیا دیکھ رہی ہے، یہ کلپ وائرل ہوا تو بہت مسئلہ ہو جائے گا، میں نے ڈاکٹر نعمان کہا کہ مذاق کا رنگ دے کر بعد میں معذرت کر لینا جو کہ انہوں نے نہیں کی، میں معاملہ نمٹانا چاہ رہا تھا لیکن ڈاکٹر نعمان پتا نہیں کیوں ایسا کر رہے تھے۔
Multiple clips are circulating on social media so I thought I shud clarify. pic.twitter.com/ob8cnbvf90
— Shoaib Akhtar (@shoaib100mph) October 26, 2021
ڈاکٹرنعمان نیاز کے رویے کے خلاف سوشل میڈیا پر شدید ردعمل آیا ہے جہاں شائقین کرکٹ ڈاکٹر نعمان نیاز سے معافی کا مطالبہ کر رہے ہیں۔
