نیدرلینڈ سے تعلق رکھنے والے معروف فٹبالر کلیرنس سیڈورف اسلامی تعلیمات سے متاثر ہو کر دائرہ اسلام میں داخل ہو گئے ہیں۔
عالمی نشریاتی ادارے کی رپورٹ کے مطابق عالمی شہرت یافتہ فٹبالر کلیرنس سیڈورف نے اسلام قبول کر لیا ہے، جس کا اعلان انہوں نے انسٹاگرام کی پوسٹ کے ذریعے کیا۔
انسٹاگرام پر اسٹار فٹبالر نے اہلیہ صوفیہ کے ہمراہ تصویر شیئر کرتے ہوئے کہا کہ میں اسلام قبولیت پر ملنے والی نیک خواہشات اور پیغامات کا تہہ دل سے شکرگزار ہوں۔ انہوں نے کہا کہ اسلام قبول کرنے میں مرکزی کردار میری اہلیہ صوفیہ کا ہے، جنہوں نے مجھے دین اسلام سے آگہی فراہم کی۔ سیڈروف کا کہنا تھا کہ مجھے دنیا بھر کے مسلمان بہن بھائیوں کی مسلم فیملی میں شامل ہونے پر بہت خوشی ہے۔
View this post on Instagram
فٹبالر کلیرنس سیڈورف کی ایرانی نژاد اہلیہ صوفیہ نے بھی انسٹاگرام پر اپنے شوہر کے اسلام قبول کرنے پر مسرت کا اظہار کرتے ہوئے لکھا کہ مجھے اس خاص اور خوبصورت لمحے کا حصہ ہونے پر فخر ہے۔
View this post on Instagram
