وزیراعظم عمران خان احساس پروگرام کے تین سال مکمل ہونے پر آج تقریب کی صدارت کریں گے۔
اسلام آباد – (اے پی پی): وزیراعظم کی معاون خصوصی برائے تخفیف غربت اور سماجی تحفظ ڈاکٹر ثانیہ نے کہا کہ 27 مارچ 2019ء کو اس پروگرام کے آغاز کے بعد سے احساس کے تحت سماجی تحفظ اور غربت کے خاتمہ کے بے شمار پروگرام کامیابی کے ساتھ شروع کئے گئے ہیں جن کا 98 فیصد بجٹ لڑکیوں اور خواتین کو فائدہ پہنچا نے کے لئے رکھا گیا ہے۔
وزیراعظم عمران خان احساس راشن رعایت پروگرام کا بھی اجرا کریں گے جس کے تحت 20 ملین خاندانوں کو ماہانہ بنیادوں پر اشیائے خوردونوش پر 30 فیصد سبسڈی دی جائے گی۔ ٹارگٹڈ سبسڈی پروگرام میں 3 ضروری اشیا یعنی گندم کا آٹا، خوردنی تیل/گھی اور دالیں شامل ہیں جن کی قیمتوں کو موثر طریقے سے کم کیا جائے گا۔یہ 20 ملین اہل خاندانوں (130 ملین افراد) کو سبسڈی کی مد میں 106 ارب روپے تقسیم کرے گا۔ عالمی سطح پر حالیہ قیمتوں میں اضافے کے پیش نظر وزیراعظم نے 80 لاکھ خاندانوں کے لیے کفالت وظیفہ کی رقم 12,000 روپے سے بڑھا کر 14,000 روپے کرنے کا بھی اعلان کیا ہے۔ یہ تمام فیصلے عوام کو ریلیف دینے کے لیے کیے گئے ہیں۔ سوموار کو کفالت نقد امداد کے 71 ارب روپے بھی تقسیم کئے جائیں گے۔ تین سالوں کے دوران، پروگرام نے ملک کی تقریباً نصف آبادی کو احساس نقد فراہم کیا۔ احساس سکول وظیفہ پروگرام 4 سے 22 سال کی عمر کے 10 ملین بچوں کو فائدہ پہنچے گا ۔
تمام گریڈوں میں لڑکیاں اضافی وظیفہ حاصل کریں گی۔ کم آمدنی والے طبقہ سے تعلق رکھنے والے طلبا کو 200,000 ضرورت کی بنیاد پر میرٹ پر مبنی احساس انڈرگریجویٹ وظائف فراہم کیے جا رہے ہیں۔ غذائیت میں کمی سے نمٹنے کے لئے وزیر اعظم کے وژن کے تحت تمام اضلاع میں 160 احساس نشونما سینٹرز کھولے جا رہے ہیں۔ ہر ضلع میں احساس کی تمام سروسز کو ایک چھت کے نیچے فراہم کرنے کے لیے ملک بھر میں ون ونڈو احساس مراکز کو بھی بڑھایا جا رہا ہے۔
احساس کے نیشنل پاورٹی گریجویشن انیشیٹو میں 3.8 ملین غریب خاندانوں کوگریجوایشن کے لیے بلاسود قرضے اور روزمرہ استعمال کی اشیا شامل ہیں۔ وزیر اعظم کے مزدور کا احساس کے تحت یومیہ اجرت کمانے والوں کی عزت کے ساتھ خدمت کرنے کے لیے ماڈل پناہ گاہوں، لنگرخانوں، موبائل کچن اور یتیم خانوں کا ایک ملک گیر نیٹ ورک بھی قائم کیا گیا ہے۔
اوراس بات کو یقینی بنایا گیا ہے کہ حکومت کے سماجی تحفظ کے وظیفے زیادہ مستحق لوگوں کے لئے ہیں، احساس نے 34.41 ملین خاندانوں کے ساتھ قومی سماجی و اقتصادی سروے رجسٹریشن مکمل کی ہے جو کہ جنوبی ایشیا کا پہلا ڈیجیٹل سروے ہے۔
عالمی بینک نے احساس ایمرجنسی کیش کو کورونا کے دوران دنیا بھر میں سب سے تیز نقد رقم کی منتقلی کے پروگرام کے طور پر اعتراف کیا ہے۔سر مائیکل باربر کے مطابق، ٹیکنالوجی اور ڈیٹا پر مبنی احساس کے نفاذ نے ملک میں گورننس کو سرپرستی کی سیاست سے کارکردگی کی سیاست میں بدل دیا ہے
