وفاقی وزیر   برائے منصوبہ بندی اسد عمر کا کہنا ہے کہ کالعدم ٹی ایل پی کی بیرونی مدد کے شواہد ہمارے پاس موجود ہیں۔

گزشتہ روزنجی ٹی وی کے پروگرام میں گفتگو کرتے ہوئے اسد عمر نے کہا کہ ریاست نے ایک عرصے تک کالعدم تحریک لبیک کو بات چیت سے سمجھانے کی کوشش کی لیکن اس تنظیم نے تشدد کا راستہ اپنایا ہماری کوشش ہے حالات خراب نہ ہوں۔انہوں نے کہا کہ شواہد موجود ہیں کہ اس جماعت  کی بیرونی مدد بھی کی جارہی ہے۔ آج جو فیصلے ہوئے ہیں ان میں حکومت کے ساتھ ساتھ عسکری ادارے بھی شامل ہیں ۔ دوران پروگرام  ڈی جی آئی ایس آئی کے تقرر میں تاخیر پر وفاقی وزیر کا کہنا تھاکہ  وزیراعظم افغان صورت حال کے باعث چاہتے تھے کہ قیادت کی تبدیلی کچھ عرصے بعد ہو۔

انہوں نے بتایا کہ نوٹیفکیشن میں تاخیر اس لیے ہوئی کیونکہ وزیراعظم  روایت کے برعکس مشاورت کے بعد فیصلہ کرنا چاہتے تھے۔