وزیراعظم عمران خان نے وزیراعلیٰ پنجاب کا استعفیٰ قبول کرنے سے انکار کرتے ہوئے انہیں کام جاری رکھنے کی ہدایت کی ہے۔

ذرائع کے مطابق وزیراعظم کیساتھ ملاقات میں وزیراعلیٰ پنجاب عثمان بزدار نے کہا کہ میں مکمل طور پر آپ اور پارٹی کیساتھ ہوں، اگر میرے استعفے سے معاملات حل ہوتے ہیں، تو وزارت اعلیٰ چھوڑنے کو تیار ہوں، کیونکہ مجھے کسی عہدے کا لالچ نہیں ہے۔

وزیراعظم عمران خان نے کہا ہے کہ عثمان بزدار نے جتنا کام کیا وہ کسی اور نے نہیں کیا، عثمان بزدار دراصل میڈیا فرینڈلی نہیں ہے، جس کا انہیں نقصان ہوتا ہے، وزیراعلیٰ کو تبدیل کرنا آسان نہیں ہے۔ وزیراعظم کا کہنا تھا جو خود وزیراعلیٰ بننے کے خواہشمند ہیں، صرف انہیں عثمان بزدار سے مسئلہ ہے۔ وزیراعظم عمران خان نے عثمان بزدار کا استعفیٰ قبول کرنے سے انکار کرتے ہوئے انہیں کام جاری رکھنے کی ہدایت کی ہے۔