سرائیکی وسیب کے مشہور شاعر شاکر شجاع آبادی کی 2 روز قبل نہایت کسمپرسی کی حالت میں انہیں موٹرسائیکل پر بٹھا کر ہسپتال لے جانے کی ویڈیو وائرل ہوئی تھی۔ ویڈیو میں واضح طور پر دیکھا جا سکتا ہے کہ شاکر شجاع آبادی کی صحت اتنی خراب تھی کہ ان سے موٹرسائیکل پر بیٹھا نہیں جا رہا تھا جس کے وجہ سے انہیں ڈرائیور نے اپنے ساتھ باندھا ہوا تھا۔ شاکر شجاع آبادی کے بیٹے ولید کا کہنا تھا کہ ٹیکسی کے پیسے نہیں، اس لیے والد صاحب کو موٹر سائیکل پر ہسپتال لے کر جا رہا ہوں۔ ویڈیو میں کہا جا رہا تھا کہ یہ ہمارے ملک کا المیہ ہے کہ اتنے بڑے شاعر کے گیت گا کر گلوکاروں نے اتنا نام بنایا اور وہ شاعر آج خود موٹرسائیکل کے پیچھے بیٹھ کر مجبوری کی حالت میں دوائی لینے جا رہا ہے۔
#SeraikiPoet #Shakir Shakir Shuja Abadi in a terrible condition. Watch this video pic.twitter.com/zKzptkugPV
— Sarang Bhittai (@SBhitai) October 26, 2021
ویڈیو وائرل ہونے کے بعد آج پی ٹی آئی کے رہنماء جہانگیر ترین نے ملتان کے نشتر ہسپتال میں جا کر ان کی عیادت کی اور انہیں علاج میں معاونت کیلئے 5 لاکھ روپے کا چیک پیش کیا۔ جہانگیر ترین کے شاکر شجاع آبادی کے ساتھ ملاقات میں ان کیلئے 50 ہزار روپے ماہانہ وظیفہ مقرر کرنے کا ابھی اعلان کیا۔
وزیراعلیٰ پنجاب عثمان بزدار نے بھی ویڈیو وائرل ہونے کے بعد اعلان کیا کہ پنجاب حکومت شکار شجاع آبادی کے علاج کےتمام اخراجات برداشت کرے گی۔
وزیراعلیٰ پنجاب @UsmanAKBuzdar کی معروف سرائیکی شاعر شاکر شجاع آبادی کے علاج معالجے کیلئے ہدایات
پنجاب حکومت شاکر شجاع آبادی کے علاج معالجے کے اخراجات برداشت کرے گی۔
شاکر شجاع آبادی کے علاج معالجے کیلئے محکمہ صحت اورضلعی انظامیہ کو ہدایات جاری کردی گئی ہیں۔— CM Punjab (Updates) (@CMPunjabPK) October 27, 2021
ترجمان پنجاب حکومت حسان خاور کا نجی ٹی وی سے گفتگو میں کہنا تھا کہ پنجاب حکومت نے شاکر شجاع آبادی کے علاج کے اخراجات کے علاوہ ان کیلئے 36 ہزار روپے ماہانہ وظیفہ بھی مقرر کیا ہے اور ان کے ایک بیٹے کو سرکاری نوکری بھی دی جائے گی۔
پنجاب حکومت نے معروف شاعر شاکر شجاع آبادی صاحب کا ہر ماہ 36000 روپے وظیفہ مقرر کردیا اور ان کہ ایک بیٹے کو نوکری دی جائے گی۔
پنجاب حکومت شاکر شجاع آبادی کے علاج معالجے کے اخراجات برداشت کرے گی۔
Weldone @GovtofPunjabPK @MashwaniAzhar
#PTIGovernment pic.twitter.com/w888XiyJ8v— Sahibzada Ali (@AliSahibzadaPTI) October 28, 2021
