پاکستان اور عالمی صرافہ مارکیٹ میں فی تولہ سونے کی قیمت میں آج بھی غیر معمولی اضافے کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 700 روپے اضافے کے بعد فی تولہ سونےکی قیمت ایک لاکھ 30 ہزار 700 روپے ہو گئی ہے۔ 10 گرام سونے کی قیمت بھی 600 روپے اضافے کے بعد ایک لاکھ 12 ہزار 454 روپے ہو گئی ہے۔

عالمی صرافہ مارکیٹ میں بھی سونے کی قیمت میں اضافہ ریکارڈ کیا گیا ہے، فی اونس سونے کی قیمت 18 ڈالر کے اضافے کے بعد 2009 ڈالر پر پہنچ گئی ہے۔

یاد رہے کہ گزشتہ روز بھی پاکستان میں فی تولہ سونے کی قیمت میں 600 روپے جبکہ عالمی صرافہ مارکیٹ میں فی اونس سونے کی قیمت میں 28 ڈالر کا اضافہ ہوا تھا۔