ٹی ٹونٹی ورلڈ کپ کے سپر12 مرحلے میں پاکستان اور افغانستان کے مابین کل کے مقابلے میں میچ میں مین آف دی میچ قرار دئیے جانے کے بعد آصف علی نے ایک ٹوئٹ کیا ہے جسے عوام کی جاب سے بہت پسند کیا جارہا ہے اور وہ ٹوئٹ کافی وائرل بھی ہو گیا ہے۔
آصف علی نے مین آف دی میچ کا ایوارڈ تھامے اپنی تصویر کے ساتھ قرآن پاک کی سورۃ آل عمران کی آیت وَتُعِزُّ مَن تَشَاءُ وَتُذِلُّ مَن تَشَاءُ لکھ کر ٹوئٹ کی۔ عوام کی جانب سے آصف علی کے اس انداز میں اظہار تشکر کو بہت پسند کیا جا رہا ہے۔
وَتُعِزُ مَن تَشَاء وَتُذِلُ مَن تَشَاء.
My success is only by Allah. #asifali #t20worldcup2021 #t20worldcup #WeHaveWeWill pic.twitter.com/gFTtV715uJ— Asif Ali (@AasifAli2018) October 29, 2021
آصف علی کے ٹوئٹ کو اب تک 62 ہزار سے زائد افراد لائک کر چکے ہیں۔
یاد رہے کہ ٹی ٹونٹی ورلڈ کپ میں آصف علی کارکردگی کو بہت پسند کیا جا رہا ہے جس میں انہوں نے محض 19 بالز پر 52 رنز بنائے ہیں جن میں 1 چوکہ اور 7 چھکے شامل ہیں۔
