برطانوی حکام نےریڈ لسٹ میں شامل مختلف ممالک میں کورونا کی صورتحال کا جائزہ لیتے ہوئےپاکستان اور ترکی سمیت 8 ممالک کو ریڈ لسٹ سے نکال دیا۔ دیگر ممالک میں مالدیپ، مصر، سری لنکا، عمان، بنگلہ دیش، اور کینیا شامل ہیں۔
In addition, EIGHT countries and territories will come off the red list 🔴 from Weds 22 Sept at 4am, incl. TURKEY, PAKISTAN and MALDIVES.
— Rt Hon Grant Shapps MP (@grantshapps) September 17, 2021
پاکستان میں برطانیہ کے سفیر کرسچن ٹرنر نے اپنے پیغام میں کہا کہ مجھے یہ بتاتے ہوئے خوشی ہو رہی ہے کہ پاکستان کو برطانیہ کی ریڈ لسٹ سے نکال دیا گیا ہے۔ انہوں نے سربراہ این سی او سی اسد عمر، برطانوی اور پاکستانی اداروں کے تعاون کا شکریہ ادا کرتے ہوئے کہا کہ میں جانتا ہوں کہ یہ پانچ ماہ آپ کیلئےکتنے مشکل تھے۔
Pleased to confirm 🇵🇰 is off the red list. I know how difficult the last 5 months were for so many who rely on close links between 🇬🇧 & 🇵🇰. Grateful to @fslsltn @Asad_Umar & superb @nhsrcofficial @OfficialNcoc @NIH_Pakistan @drsafdar64 team for their close collaboration.
— Christian Turner (@CTurnerFCDO) September 17, 2021
برطانیہ کے فیصلے پر ردعمل میں وزیراعظم کے معاون خصوصی برائے صحت ڈاکٹر فیصل سلطان کا کہنا تھا کہ یہ برطانیہ سفر کرنے کے خواہشمند افراد کیلئے خوشخبری ہے جس کا خیرمقدم کرتے ہیں۔اپنے پیغام میں ڈاکٹر فیصل سلطان نے برطانوی حکام کے پاکستانی اداروں سے روابط اور تعاون پر شکریہ ادا کیا۔
Great news for those waiting to travel. I am grateful to @CTurnerFCDO and others in the UK gov who engaged with our team for an in depth understanding of our epidemic response and systems as well as the ongoing sharing of data and information to enable disease security. https://t.co/qBFEjhB8wc
— Faisal Sultan (@fslsltn) September 17, 2021
برطانیہ جانے کے خواہشمند افراد کیسے سفر کرسکیں گے؟
پاکستان سمیت ریڈ لسٹ سے نکالے جانے والے ممالک کو ایمبر یا گرین لسٹ کی بجائے کو Rest of World – ROW لسٹ میں شامل کیا گیاہے اور ایک نیا Tier2 سسٹم متعارف کرایا گیا ہے جس کے تحت 22 ستمبر صبح 4 بجے کے بعد سے 4 اکتوبر 2021ء سے درمیان برطانیہ سفر کرنے کی صورت میں برطانوی قوانین کے مطابق پی سی آر ٹیسٹ کرانا ہو گا۔ جبکہ 4 اکتوبر 2021ء کے بعد اس لسٹ کے ممالک کے مسافروں کو اپنی آمد کے 2 دن بعد Day2 ٹیسٹ کرانا ہو گا جو کہ پی سی آر کی بجائے کم لاگتی “لٹرل فلو” ٹیسٹ ہو گا۔ یہ شرائط ویکسینیٹڈ مسافروں کیلئے ہونگی جبکہ ایسے مسافر جنہوں نے ویکسین نہیں لگوائی ہوگی انہیں برطانیہ روانگی سے قبل ٹیسٹ کرانا ہو گا، ٹیسٹ منفی ہونے کی صورت میں برطانیہ روانگی ممکن ہو سکے گی، جبکہ برطانیہ آمد کے بعد 10 روز قرنطینہ میں گزارنے ہونگے اور اس کے ساتھ Day2 اور Day8 ٹیسٹ بھی کرانا ہو گا۔ قرنطینہ کا دورانیہ کم کرنے کیلئے Test to Release کی آپشن بھی دی گئی ہے۔
