پاک فوج کے شعبہ تعلقات عامہ (آئی ایس پی آر) سے جاری اعلامیے کے مطابق پاک فوج کے سینئر افسران شہید ہونے والے پولیس اہلکاروں کے لواحقین کے گھروں پر گئے اورپنجاب پولیس کے شہدا کانسٹیبل غلام رسول، کانسٹیبل محمد ایوب، خالد جاوید اور اے ایس آئی محمداکبرکے لواحقین سے ملاقات کی اور شہداءکے درجات کی بلندی کی دعا کی۔ پاک فوج کے افسران نےپولیس کے شہدا کی قربانیوں پر انہیں خراج عقیدت پیش کیا۔
آئی ایس پی آر کے مطابق پاک فوج کی جانب سے متاثرہ خاندانوں کو مالی امداد فراہم کی گئیں۔ اس کے علاوہ پاک فوج کے افسران نے پولیس کے زخمی اہلکاروں کی عیادت اور انکی جلد صحت یابی کیلئے دعا بھی کی۔