پنجاب کی وزارت اعلیٰ کے متعلق حکومت اور اس کی اتحادی جماعت ق لیگ پھر آمنے سامنے آ گئے ہیں۔
تفصیلات کے مطابق گزشتہ روز وفاقی وزیر دفاع نے کہا کہ 5 سیٹوں کیساتھ ق لیگ کی جانب سے وزارت اعلیٰ کا مطالبہ بلیک میلنگ ہے، ہم پرویز الٰہی کو وزیراعلیٰ نہیں بنا سکتے، اگر ن لیگ بناتی ہے تو بنا دے۔ پرویز خٹک نے ق لیگ کے رہنما مونس الٰہی کو پارٹی کے موقف سے آگاہ کرتے ہوئے کہا کہ پانچ سیٹوں پر وزیراعلیٰ بنانے کا مطالبہ بلیک میلنگ ہے۔
ق لیگ کے رہنما طارق چیمہ کے بیانات کو بھی وزیر دفاع نے توہین آمیز قرار دیتے ہوئے کہا کہ طارق بشیر چیمہ کی جگہ کوئی اور ہوتا تو کابینہ سے پہلے استعفیٰ دیتا، ہر مشکل میں بلیک میل کرنا مناسب رویہ نہیں۔
نجی چینل کی اس خبر پر وفاقی وزیر آبی وسائل اور رہنما مسلم لیگ ق مونس الٰہی کا ٹوئٹر پر اپنے بیان میں کہنا تھا کہ پرویز خٹک صاحب سے رابطہ رہتا ہے، ہر دوسرے دن ان سے بات ہوتی ہے، اپنے اس بیان کی وضاحت پرویز خٹک صاحب خود کر دیں۔
پرویز خٹک صاحب سے رابطہ رہتا ہے اور
ہر دوسرے دن بات ہوتی ہے.
اس بیان کی وضاحت پرویز خٹک صاحب @PervezKhattakPK خود کردیں۔ pic.twitter.com/w9XudFRcmm— Moonis Elahi (@MoonisElahi6) March 16, 2022
یاد رہے کہ اس سے قبل گزشتہ ہفتے وفاقی وزیر داخلہ شیخ رشید نے بھی کہا تھا کہ 5 سیٹوں والی پارٹی پنجاب میں وزارت اعلیٰ کیلئے بلیک میل کر رہی ہے۔
