وزیراعلیٰ سندھ نے کہا کہ تحریک عدم اعتماد پر 28 مارچ سے مزید تاخیر نہیں کی جا سکتی۔

اسلام آباد میں میڈیا سے بات کرتے ہوے وزیراعلیٰ سندھ مراد علی شاہ نے کہا ہے کہ اگر نمبر گیم کے حوالے سے حکومت کو شک ہے تو بے شک آج ہی تحریک عدم اعتماد پراجلاس طلب کر لیں۔

مراد علی شاہ نے میڈیا سے بات کے دوران ایم کیو ایم کے حوالے سے کہا کہ  ایم کیو ایم مطالبات کی لسٹ بنا کرلائی تھی،جس پرچیئرمین پی پی پی بلاول بھٹوکا کہنا تھا کہ ہمیں کوئی اختلاف نہیں جوجماعت مینڈیٹ لے ک آئی ہے ہم اس کے ساتھ کام کرنے کو تیار ہیں ۔

مراد علی شاہ نے حکومت سے متعلق بات کرتے ہوئے کہا کہ عمران خان نےایک کروڑ نوکریاں دیں ہیں، لوگوں کو50 لاکھ گھردیے ہیں توحکومت جلسہ میں ایک کروڑ لوگ جمع  کرلے گی۔ان کا مزید کہنا تھا جو وزیر اعظم ہاوس اور گورنر ہاوسمیں یونیورسٹیاں بنی تھیں اسے بند نہ کریں  کیونکہ ان کا آخری سال ہے، زیادہ تر لوگ عدم اعتماد کو سپورٹ کریں گے۔