تحریک عدم کے حوالے سے وزیر داخلہ شیخ رشید کا پریس کانفرنس کے دوران کہنا تھا کہ اسلام آباد میں ہونے والے سیاسی دنگل میں شکست اپوزیشن کو ہوگی۔
تفصیلات کے مطابق اسلام آباد میں میڈیا سے گفتگو کرتے ہوئے وزیر داخلہ شیخ رشید نے کہا کہ 25 تاریخ سے سیاسی مطلع صاف ہونا شروع ہوجائے گا 22 دن کے اندر اللہ تعالیٰ عمران خان کو کامیابی دیں گے۔اس موقعے پر ان کا کہنا تھا کہ حالات کو اتنا شددت کی طرف نا لے کر جایا جائے کہ تصادم اختیار کیا جائے وگرنا جھاڑو پھر جائ گی۔
ان کا کہنا تھا کہ خان صاحب نے وزرا کو ذمہ داری سونپی ہے کہ اتحادیوں کے مطالبات پر اعتماد میں لیا جائے، وزارت داخلہ کی ذمہ داری ہے ہر صورت میں امن و امان کی صورتحال کو برقرار رکھا جائے۔
ان کا کہنا تھا کہ خان صاحب نے وزرا کو ذمہ داری سونپی ہے کہ اتحادیوں سے رابطے جاری رکھیں، وزارت داخلہ کی ذمہ داری ہے ہر صورت میں امن و امان کی صورتحال کو برقرار رکھا جائے۔
پریس کانفرنس کے دوران ان کا کہنا تھا کہ میں کوئی ایسی بات نہیں کہنا چاہتا جس سے کوئی مسئلہ پیدا ہو لیکن سندھ ہاؤس میں جو خریدو فروخت کی سیاست کا میدان سجایا گیا ہے،یہ ایک الگ کیس ہے ۔
وزیر داخلہ نے کہا کہ قومی اسمبلی اور لاجز کے باہر سیکیورٹی کی ذمہ داری 20 تاریخ سے ایف سی اور رینجرز کی ہوگی، اس موقع پر اسلام آباد کی سیکیورٹی کے لیے ایف سی اور رینجرز کے 2 ہزار اہلکاروں کو سیکیورٹی پر تعینات کیا گیا ہے۔
ان کا کہنا تھا کہ آنے والے 20،22 ایام میں ہماری ذمہ داری ہے شہریوں اور اسلام آباد آنے جانے والوں کو مکمل سیکیورٹی فراہم کی جائے۔
شیخ رشید نے کہا کہ اپوزیشن کو کبھی کامیاب نہیں ہونے دیں گے اور جو لوگ اپنے ضمیر کو بیچ کر بولیاں لگاتے ہیں انہیں کبھی عزت ملی نہ ہی دولت بھی ان کے کام نہیں آئی، مجھے امید ہے ہمارے اتحادی فیصلہ کرنے میں چاہے جتنے بھی دن لیں وہ عمران خان کے حق میں فیصلہ کریں گے۔
ایک سوال کے جواب پر ان کا کہنا تھا کہ سندھ ہاوس میں کچھ لوگ ہیں انہوں نے 3، 4 سو پولیس والے بلائے ہیں۔
انہوں نے کہا کہ میں نے پہلے کہا تھا کہ یہ 23 مارچ کو نہیں 25 کو آئیں گے اب میں کہہ رہا ہوں 25 تاریخ کے بعد مطلع صاف ہونا شروع ہوجائے گا، عمران خان وقت کامیاب ہوں گے اور ہمارے اتحادی جو اس وقت سوچ بچار میں ہیں وہ بھی انشااللہ ہمارا ساتھ دیں گے۔
ایک سوال کے جواب میں ان کا کہنا تھا کہ ابھی ہم کسی کے خلاف کوئی کارروائی نہیں کررہے ہیں، ابھی بہت وقت ہے۔
عدم اعتماد میں حکومت کی ناکامی سے متعلق ایک سوال کے جواب میں وزیر داخلہ نے کہا کہ یہ قوم کا فرض ہے کہ جب ضمیر بیچنے والے اپنے حلقوں میں جائیں تو ان کا منہ کالا کیا جائے، ضمیر بیچنے والوں کا فیصلہ قوم کرے گی۔
اسلام آباد میں جلسوں پر سپریم کورٹ کے فیصلے کے حوالے سے شیخ رشید نے کہا کہ وہ سپریم کورٹ کے فیصلے کی پیروی کریں گے۔
مسلم لیگ (ن) اور پیپلز پارٹی کی جانب سے شیخ رشید سے رابطہ کرنے سے متعلق ایک سوال کے جواب میں شیخ رشید نے کہا کہ میں عمران خان کے ساتھ کھڑا اور ساڑھے 3 سال سے اپنی وزارتی ذمہ داریاں انجام دے رہا ہوں، ایسا نہیں ہوسکتا کہ امتحان کا وقت آئے اور میں پیچھے ہٹ جاؤں۔
اگر اپوزیشن نے تصادم کیا تو ساری زندگی اس وقت کو رویے گی، عمران خان ان کی بے وقوفیوں کے بعد زیادہ مقبول ہوگیا ہے، آپ ساڑھے 3 سال سے ہاتھ پر ہاتھ پر بیٹھے ہیں، ہم نے چوڑیاں نہیں پہن رکھی۔
اگر تحریک عدم اعتماد ناکام ہوجائے تو اس کے بعد مولانا فضل الرحمٰن اس ہی تنخواہ پر کام کریں گے۔
