پاکستان ڈیموکریٹک موومینٹ کے سربراہ مولانا  فضل الحمٰان نے عدالت سے عمران خان کے خلاف  کاروائی کا مطالبہ کر دیا ۔

تفصیلات کے مطابق پاکستان ڈیمو کریٹک موومنٹ کے سربراہ مولانا فضل الرحمان نے دعویٰ کیا ہے کہ تحریک عدم اعتماد کے بعد وزیر اعظم گورنرراج نافذ کرنے یا کوئی تقرری و تبادلہ کرنے کا اختیارنہیں ہے۔

مولانا فضل الرحمان نے کہا کہ وزیراعظم پارلیمنٹ میں اپنی اکثریت کھوچکے ہیں،تحریک عدم اعتماد کے بعد وزیراعظم کا تبادلے یا تقرری کیلئے حکم غیر آئینی ہوگا، وزیراعظم کے پرنسپل سیکرٹری اعظم خان کی پوسٹنگ اقربا پروری کی بد ترین مثال ہے۔مولانا فضل الرحمان نے مزید کہا کہ تحریک عدم اعتماد کے بعد فارن پوسٹنگ غیر قانونی اورغیراخلاقی ہے، ایسے کسی بھی اقدام کی مزاحمت کی جائے گی ، سیاسی جماعتیں امید رکھتی ہیں کہ عدالتیں اس سلسلے میں اپنا کردارادا کریں گی ۔