وزیراعظم عمران خان نے ریکوڈک منصوبے پر کام کرنے والی کمپنی سے تنازع ختم ہونے اور پاکستان پر 11 ارب ڈالر کا جرمانہ ختم ہونے کی خوش خبری سنادی۔
وزیراعظم عمران خان نے امریکی کمپنی کے ساتھ ریکوڈک معاہدے کی منظوری پر مبارک باد پیش کرتے ہوئے کہا کہ 10 سال کے مذاکرات اور قانونی جنگ کے بعد یہ معاہدہ طے پایا ہے۔ 11ارب ڈالر جرمانے سے بچ گئے ہیں ،10 ارب ڈالر بلوچستان ميں لگائے جائيں گے۔انہوں نے یہ بھی لکھا کہ بلوچستان ميں منصوبے سے 8 ہزار نئی نوکرياں پيدا کی جائيں گی۔
I congratulate the nation & ppl of Balochistan on successful agreement with Barrick Gold for development of RekoDiq mine after 10 years of legal battles & negotiations. Penalty of approx $ 11 bn is off set, $10 bn will be invested in Balochistan creating 8000 new jobs.
— Imran Khan (@ImranKhanPTI) March 20, 2022
واضح رہے کہ بلوچستان حکومت اور امریکی کمپنی کے مابین ریکوڈک معاہدے پر گزشتہ روز 19 مارچ بروز ہفتے دستخط ہوئے۔امریکی کمپنی ریکوڈک میں 8 ارب ڈالر کی سرمایہ کاری کرے گی ، 25 فیصد فائدہ بلوچستان کو ملے گا ،اور اس سے 8 ہزار ملازمتیں پیدا ہوں گی ، رائلیٹٰی کے تحفظ سمیت منصوبے پر تمام صوبائی ٹیکس عائد ہوں گے۔قبل ازیں سیکریٹری معدنیات نے کابینہ کو مجوزہ معاہدے اور منصوبے پر عمدارآمد سے بلوچستان اور اہل بلوچستان کو حاصل ہونے والے فوائد سے متعلق بریفنگ دی۔
صوبائی کابینہ نے معاہدے میں موجودہ صوبائی حکومت کے ٹھوس موقف کی پذیرائی اور بلوچستان کے حقوق و مفادات کے تحفظ پر اطمینان کا اظہار کرتے ہوئے ریکوڈک منصوبہ بلوچستان کی ترقی اور احساس محرومی کے خاتمے کا ضامن اور صوبے کے عوام کی خوشحالی کے لیے گیم چینجر قرار دیا گیا ہے۔معاہدے اور سیٹلمنٹ کی مکمل تفصیلات وزیراعظم کی زیر صدارت منعقد ہونے والے اجلاس کے بعد جاری کی جائیں گی
