سربراہ جنوبی افریقی بحریہ وائس ایڈمرل موسووا سیموئیل ہولونگوان نے نیول ہیڈکوارٹرز، اسلام آباد کا دورہ کیا اور چیف آف دی نیول اسٹاف ایڈمرل محمد امجد خان نیازی سے نیول ہیڈکوارٹرز اسلام آباد میں ملاقات کی۔
تفصیلات کے مطابق نیول ہیڈکوارٹرز آمد پر امیرالبحر نے جنوبی افریقی بحریہ کے سربراہ کا استقبال کیا۔ پاک بحریہ کے چاک و چوبند دستے نے معزز مہمان کو روایتی انداز میں گارڈ آف آنر پیش کیا۔ معزز مہمان نے یادگار شہداء پر پھولوں کی چادر چڑھائی اور نیول ہیڈکوارٹرز میں پرنسپل اسٹاف آفیسرز سے ان کا تعارف کرایا گیا۔
Chief of South African Navy, V/Adm Mosuwa Samuel Hlongwane called on #CNS Adm Muhammad Amjad Khan Niazi at NHQ. During the meeting, matters of mutual interests & regional maritime security discussed. The visiting Adm appreciated #PakNavy efforts in regional maritime security. pic.twitter.com/578fldN4ey
— DGPR (Navy) (@dgprPaknavy) March 21, 2022
جنوبی افریقی بحریہ کے سربراہ نے چیف آف دی نیول اسٹاف سے ملاقات کی۔ ملاقات میں باہمی دلچسپی کے امور بشمول دوطرفہ تعاون اور علاقائی سلامتی کے امور پر تبادلہ خیال کیا گیا۔
نیول چیف نے ریجنل میری ٹائم سکیورٹی پٹرولز کے ذریعے خطے میں بحری سیکیورٹی اور امن کو یقینی بنانے کے لیے پاک بحریہ کے اقدامات پر روشنی ڈالی۔
معزز مہمان نے خطے میں مشترکہ بحری سکیورٹی کو برقرار رکھنے میں پاک بحریہ کی کاوشوں کو سراہا۔ سربراہ جنوبی افریقی بحریہ کو پاک بحریہ کی ذمہ داریوں اور استعداد کار کے حوالے سے بریفنگ دی گئی۔
جنوبی افریقی بحریہ کے سربراہ کے دورے سے دونوں ممالک کے مابین دو طرفہ تعاون کومزید فروغ ملے گا۔