پاکستان مسلم لیگ ن کا آج سوات میں ہونے والا جلسہ منسوخ کر دیا گیا ہے۔
پاکستان مسلم لیگ (ن) کے آفیشل ٹوئٹر اکاؤنٹ پر جاری اپنے بیان میں ترجمان مسلم لیگ (ن) مریم اورنگزیب نے کہا کہ مریم نواز شریف کی اچانک طبیعت کی ناسازی کی وجہ سے آج منگل کو سوات کا جلسہ منسوخ کردیا گیا ہے۔ انہوں نے کہا کہ مریم نواز کو تیز بخار ہے جس کی وجہ سے ڈاکٹرز نے انہیں سفرکرنے سے منع کیا ہے۔
پاکستان مسلم لیگ (ن) کی ترجمان مریم اورنگزیب کا بیان
مریم نوازشریف کی اچانک طبیعت کی ناسازی کی وجہ سے آج منگل کو سوات کا جلسہ منسوخ کردیا گیا ہے
مریم نوازشریف کو تیز بخار ہے جس کی وجہ سے ڈاکٹرز نے انہیں سفرکرنے سے منع کیا ہے
— PML(N) (@pmln_org) March 21, 2022
مریم اورنگزیب کا کہنا تھا کہ مریم نواز شریف کو اعتماد ہے کہ خیبرپختونخوا کے عوام بلدیاتی انتخابات کے دوسرے مرحلے میں شیر کے نشان پر مہرلگائیں گے۔ پاکستان مسلم لیگ (ن) کے عہدیداروں اور کارکنان کے لئے مریم نوازشریف نے نیک تمناؤں کا پیغام دیا ہے۔
ترجمان مسلم لیگ نے مزید کہا کہ مسلم لیگ (ن) خیبرپختونخوا کے صدرانجینئر امیرمقام، عہدیداروں اور کارکنان کے جذبوں اور محنت کو سلام پیش کرتے ہیں، ہم آپ سے مریم نوازشریف کی صحت یابی کے لئے دعا کی اپیل کرتے ہیں۔
