وفاقی وزیر فواد چوہدری نے کہا ہے کہ عالمی سطح پر امت مسلمہ کی قیادت کرنا پاکستان کی بڑی کامیابی ہے۔
وفاقی وزیر اطلاعات و نشریات چوہدری فواد حسین نے او آئی سی وزرائے خارجہ کونسل کے اڑتالیسویں اجلاس کے موقع پر ویڈیو کے ذریعے پیغام جاری کیا ہے۔انہوں نے کہا کہ اس وقت او آئی سی کا اجلاس جاری ہے جس میں 32 وزرا خارجہ موجود ہیں اور 700 سے زائد وفد موجود ہے۔ ان کا کہنا تھا کہ امت مسلمہ کے تمام تر مسائل اس اجلاس میں زیر بحث آئیں گے جو کہ موجودہ حکومت کی بہت بڑی کامیابی ہے کہ تین مہینے میں دوسری او آئی سی کانفرنس منعقد کی گئی ہے۔ انہوں نے مزید کہا کہ اس اجلاس میں شرکت کے لئے آج جتنے بھی وفود پاکستان میں موجود ہیں وہ پاکستان کے موجودہ سیاسی حالات کو نظر انداز کر کے آئے ہیں جو کہ کانفرنس کی کامیابی ہے۔
وفاقی وزیر اطلاعات و نشریات چوہدری فواد حسین کا او آئی سی وزرائے خارجہ کونسل کے اڑتالیسویں اجلاس کے موقع پر ویڈیو پیغام@fawadchaudhry pic.twitter.com/cpKlifajMH
— PTV News (@PTVNewsOfficial) March 22, 2022
اس کے پیش نظر اپوزیشن پارٹی خصوصاً دو لوگوں کو مبارک باد دیتا ہوں جنہوں نے پوری کوشش کی کہ یہ کانفرنس ناکام ہو۔
