حکومت کا جہانگیر ترین گروپ سے تعلق رکھنے والے اپنے ہی ناراض لوگوں کو منانے کا مشن جاری ہے، حکومت کی جہانگیر ترین گروپ کو بڑی پیشکش کر دی۔

تفصیلات کے مطابق کے مطابق وزیر تعلیم پنجاب مراد راس کی ترین گروپ کے نعمان لنگڑیال اور عبدالحئی دستی سے ملاقات ہوئی جس میں ترین گروپ کے تحفظات اور شکایات پر عمل درآمد کا جائزہ لیا گیا۔ذرائع کا کہنا ہے کہ ملاقات کے دوران ڈاکٹر مراد راس کا وفاقی وزیر پرویز خٹک سے بھی رابطہ ہوا اور حکومتی ٹیم نے ترین گروپ کو ترقیاتی منصوبوں کے لیے فنڈز فراہم کرنے کی یقین دہانی کروائی۔

ذرائع کے مطابق حکومتی اراکین نے ترین گروپ کو مائنس بزدار کے مطالبے سے دستبردار کروانے کی کوشش کی تاہم ترین گروپ کے اراکین کا کہنا تھا کہ جہانگیر ترین اور دوسرے اراکین کے مشورے کے بغیر کوئی قدم نہیں اٹھا سکتے۔ذرائع کا کہنا ہے کہ ترین گروپ اور حکومتی ٹیم کے درمیان 48 گھنٹوں میں ایک اور ملاقات کا امکان ہے۔