وزیر داخلہ شیخ رشید نے کہا ہے کہ تحریک عدم اعتماد کی ناکامی کے لیے پرامید ہیں، ابھی تک وزیراعظم کے پاس بھی بہت کارڈز ہیں۔

وزیراعظم کی زیرصدارت پی ٹی آئی کی سیاسی کمیٹی کا اجلاس ہوا جس میں ملکی سیاسی صورتحال پر مشاورت کی گئی۔وزیر داخلہ شیخ رشید نے میڈیا سے گفتگو کرتے ہوئے کہا کہ 25 مارچ کو قومی اسمبلی کا اجلاس ہو گا، روایت کے تحت وفات پانے والے ایم این اے کے ایصال ثواب کے لیے دعا ہو گی۔

انہوں نے کہا کہ 30 سے یکم اپریل تک اسپیکر جس دن کے لیے چاہے گا، ووٹنگ کا دن مقرر کرے گا، 27 کے جلسے میں واضح ہو جائے گا کہ عوام کس کے ساتھ کھڑی ہے۔شیخ رشید نے کہا کہ اپوزیشن اگر پراعتماد ہے تو ہم بھی پراعتماد ہیں، تحریک عدم اعتماد کی ناکامی کے لیے پرامید ہیں، ابھی تک وزیراعظم کے پاس بھی بہت کارڈز ہیں۔وزیر داخلہ نے کہا کہ امید ہے کہ اتحادی عمران خان کے ساتھ ہوں گے، دعا ہے کہ انہیں وزیراعظم کا ساتھ دینا چاہیے۔