ملک میں گذشتہ ہفتے کے دوران ٹماٹر، انڈوں، چینی دالوں سمیت 8 اشیا کی قیمتوں میں کمی اور 18 اشیائے کی قیمتوں میں استحکام رہا۔

تفصیلات کے مطابق گزشتہ ہفتے لہسن کی قیمت میں 4.94 فیصد، ٹماٹر4.17 فیصد، انڈے 4.13 فیصد، ایل پی جی 1.59 فیصد، چینی 0.92 فیصد، گڑ1.03 فیصد، دال چنا 0.36 فیصد اوردال مسور کی قیمت میں 0.22 فیصد کی کمی ریکارڈکی گئی۔

پاکستان بیوروبرائے شماریات کی جانب سے جاری صارفین کیلئے قیمتوں کے ہفتہ وارحساس اشاریہ (ایس پی آئی) کے مطابق 24 مارچ کوختم ہونے والے ہفتہ میں ملک میں لہسن کی قیمت میں 4.94 فیصد، ٹماٹر4.17 فیصد، انڈے 4.13 فیصد، ایل پی جی 1.59 فیصد، چینی 0.92 فیصد، گڑ1.03 فیصد، دال چنا 0.36 فیصد اوردال مسور کی قیمت میں 0.22 فیصدکی کمی ریکارڈکی گئی۔

اس کے برعکس چکن کی قیمت میں 8.47 فیصد، ڈھائی کلوبناسپتی گھی 4.59 فیصد، کیلا 4.04 فیصد، کوکنگ آئل 2.55 فیصد، آلو1.56 فیصد، ایک کلو بناسپتی گھی 1.12 فیصد، دہی 1.02 فیصد، لان 1.17 فیصد اورشرٹنگ کی قیمت میں 1.03 فیصد کا اضافہ ہوا جس نے مجموعی ایس پی آئی پر0.91 فیصد کا اثرڈالا۔

ہفتے کے دوران روزمرہ استعمال کی 8 اشیا کی قیمتوں میں کمی اور18 کی قیمتوں میں استحکام رہا جبکہ 25 اشیا کی قیمتوں میں اضافہ ریکارڈ کیا گیا۔ گزشتہ سال کی اسی مدت کے مقابلہ میں سرخ مرچ پاوڈرکی قیمت میں 37.44 فیصد، دال مونگ 29.02 فیصد، انڈے 22.13 فیصد، چینی 12.27 فیصد، آلو 5.46 فیصد اورسب سے کم ماہانہ آمدنی رکھنے والے گروپ کیلئے بجلی کی قیمت میں 0.16 فیصدکی کمی ریکارڈکی گئی ہے۔

سب سے کم یعنی 17732 روپے ماہوارآمدنی رکھنے والے گروپ کیلئے قیمتوں کے حساس اشاریہ میں 1.24 فیصدکااضافہ ہوا،17733 روپے سے لیکر22888 روپے، 22889 روپے سے لیکر29517 روپے، 29518 روپے سے لیکر44157 روپے اوراس سے زیادہ ماہوارآمدنی رکھنے والے گروپوں کیلئے قیمتوں کے حساس اشاریہ میں بالترتیب 1.31 فیصد، 1.25 فیصد، 1.23 فیصد اور0.95 فیصدکااضافہ ریکارڈ کیا گیا ہے۔

صارفین کیلئے قیمتوں کے حساس اشاریہ کاتعین ملک کے 17 شہروں کی 50 مارکیٹوں میں 51 ضروری اشیا کی قیمتوں میں ردوبدل کی بنیادپرکیاجاتاہے۔