ویسٹ انڈیز کرکٹ ٹیم کے دورہ پاکستان کی تصدیق ہوگئی ہے۔

پاکستان کرکٹ بورڈ (پی سی بی) کی جانب سے جاری بیان میں تصدیق کی گئی ہےکہ ویسٹ انڈیز کی کرکٹ ٹیم دسمبر میں پاکستان آئےگی جب کہ ویسٹ انڈیز کرکٹ بورڈ نے بھی ایک بیان میں دورہ پاکستان کی تصدیق کردی ہے۔پی سی بی کے مطابق ویسٹ انڈیزکرکٹ ٹیم پاکستان میں 3 ون ڈے اور 3 ٹی ٹوئنٹی میچز کی 2 سیریز کھیلےگی۔پی سی بی کا کہنا ہےکہ دونوں سیریز کے تمام میچز 13 سے 22 دسمبر تک  نیشنل اسٹیڈیم کراچی میں کھیلے جائیں گے۔

یاد رہے اپریل 2018 کے بعد یہ ویسٹ انڈیز کا پہلا دورہ پاکستان ہوگا۔مہمان ٹیم تین ٹی ٹونٹی انٹرنیشنل میچز کھیلنے ‏‏2018 میں پاکستان آئی تھی۔ ویسٹ انڈیز نے آخری مرتبہ 2006 میں پاکستان کی سرزمین پر کوئی ون ڈے ‏انٹرنیشنل سیریز کھیلی تھی۔