دبئی میں بڑے ہیرے کو نیلامی سے قبل پہلی بار نمائش کے لیے پیش کیا گیا ۔

تفصیلات کے مطابق  برطانوی آکشن ہاؤس کرسٹیز نے کہا کہ 228.31 قیراط سائز کے اس ہیرے کی 20 سال پہلے جنوبی افریقہ میں کان کنی اور پالش کی گئی تھی اور نیلامی میں آنے والا اب تک کا سب سے بڑا سفید ہیرا ہے۔ نیلامی سے قبل پہلی بار نمائش کے لیے پیش کیا گیا جہاں اس بیش قیمت ہیرے کی 3کروڑ ڈالر سے زائد میں فروخت متوقع ہے۔

نیلام گھر کی دبئی کی برانچ میں اسے 26 سے 29 مارچ تک نمائش کے لیے رکھا جائے گا جس کے بعد دی راک تائی پے، نیویارک اور جنیوا جائے گا جہاں اس کی نیلامی 11 مئی کو ہوگی۔اس سے قبل دنیا کا سب سے بڑا بے رنگ ہیرا پچھلا نیلامی ریکارڈ 163.41 قیراط کا تھا جو نومبر 2017 میں 3کروڑ 37لاکھ ڈالر میں فروخت ہوا تھا۔

لندن میں سوتھبیز نے گزشتہ ماہ دی انگما کو فروخت کیا تھا جو نیلامی میں آنے والا اب تک کا سب سے بڑا سیاہ ہیرا تھا، 555.55 قیراط کا یہ ہیرا 4کروڑ 30لاکھ ڈالر میں فروخت ہوا تھا۔