حوثی باغیوں نے سعودی عرب میں تیل فیکٹریوں اور دیگر تنصیبات کو نشانہ بنایا ہے۔
عالمی خبر رساں ادارے کے مطابق حوثی باغیوں نے سعودی عرب کے معاشی حب جدہ میں تیل کی تنصیبات پرحملہ کیا جس کے نتیجے میں دو کنوؤں میں آگ بھڑک اٹھی۔ میڈیا رپورٹس میں بتایا گیا ہے کہ حملے کے بعد ایک زوردار دھماکہ بھی سنا گیا۔ سعودی حکام کا کہنا ہے کہ فائربریگیڈ کی بروقت کارروائی سے آگ کے پھیلاؤ کو روک لیا گیا ہے، اور آگ پرقابو بھی پا لیا گیا۔
دوسری جانب عرب فوجی اتحاد نے سعودی عرب کے مختلف شہروں کونشانہ بنانے کی کوشش کرنے والے حوثی باغیوں کے 9 ڈرون طیاروں کو تباہ کر دیا ہے
#Breaking | A few minutes ago, the Houthis attacked Jeddah and hit Aramco’s petroleum facilities in Jeddah, west Saudi Arabia, a loud explosion was heard and a fire broke out. pic.twitter.com/IW0nivmxVt
— WorldNews IL (@WorldNewsIL) March 25, 2022
عرب اتحاد کی جانب سے جاری بیان میں کہا گیا ہے کہ حوثی باغیوں نے دھماکہ خیز مواد سے بھرے ڈرون طیاروں کے ذریعے سعودی عرب کے جنوبی، مشرقی اور بعض وسطی علاقوں پر حملے کی کوشش کی جسے ناکام بنا دیا گیا۔ بیان کے مطابق حوثی باغیوں کے ڈرون حملوں میں کوئی جانی نقصان نہیں ہوا۔
یاد رہے کہ حوثی باغیوں کی جانب سے سعودی عرب کی تیل تنصِبات پر رواں ماہ یہ دوسرا بڑا حملہ ہے، اس قبل 25 مارچ کو حوثی باغیوں نے سعودی عرب کے تین بڑے شہروں جازان، خمیس مشیط اور الجنب میں میزائل حملے کئے، جن میں آرامکو پلانٹ، پاور اور گیس سٹیشنز کو نشانہ بنایا گیا تھا۔
