پاکستان پیپلزپارٹی کے سینئررہنما خورشیدشاہ نے کہاہے کہ تحریک عدم اعتماد کامیاب ہو گی،ہمارے پاس نمبرز پورے ہیں۔

تفصیلات کے مطابق پی پی پی رہنما نے میڈیا سے گفتگو کرتے ہوئے کہاکہ تحریک عدم اعتماد کامیاب ہوگی،عوام کو خوش خبری ملے گی،ان کاکہناتھا کہ تحریک عدم اعتماد ناکام نہیں ہوگی،ہمارے پاس نمبرپورے ہیں۔

خورشید شاہ نے کہاکہ عمران خان کورٹ بھی جارہے ہیں،ہرجگہ بھاگ رہے ہیں کہ مجھے بچاﺅ، ان کا کہناتھا کہ پی ٹی آئی جلسہ میں پانچ ہزار کرسیاں جلسہ گاہ میں لگائی گئی ہیں ،یہ دس لاکھ لوگ نہیں دس ہزار لوگ کہہ رہے ہیں ۔

 پی پی رہنما کا کہنا تھاکہ جوبھی جاکرجلسے کے انتظامات دیکھناچاہتا ہےتو گاڑی اورپیٹرول میں دوں گا جا کرتسلی کرلے۔

یاد رہے کہ پاکستان تحریک انصاف کی جانب سے 27 مارچ کو جلسہ عام کا اعلان کیا گیا ہے اور وزیراعظم عمران خان نے 10 لاکھ افراد لانے کا ٹاسک دیا ہے۔