بھارت کے تعلیمی اداروں میں حجاب پر پابندی کے خلاف بھارت کی مس یونیورس ہرناز کور سدھو نے آواز بلند کر دی ہے۔
بھارتی میڈیا کے مطابق ممبئی میں ایک تقریب کے دوران صحافی نے ہرناز سے سوال کیا کہ مختلف ریاستوں کے تعلیمی اداروں میں مسلمان طالبات کے حجاب پہننے پر پابندی عائد کر دی گئی ہے، آپ کا اس پر کیا موقف ہے۔
اس سوال پر ہرناز کور سدھو کا کہنا تھا کہ ہمیشہ لڑکیوں کو ہی کیوں نشانہ بنایا جاتا ہے، خواتین کو اپنی مرضی سے جینے کا حق ہے۔ انہوں نے کہا کہ لڑکیوں کو ان کے مقام تک پہنچنے دیا جائے، ان کے پاس اڑنے کیلئے پر ہیں، یہ پر نہ کاٹیں۔
ہرناز کور کے اس جواب پر تقریب میں موجود دیگر افراد نے تالیاں بجا کر داد دی، اور ان کی اس ویڈیو کو سوشل میڈیا پر بھی بہت پسند کیا جا رہا ہے۔
Miss Universe @HarnaazKaur appeals to stop targetting Muslim girls over Hijab. She says, "..Hijab me bhi aap lakdi ko he target kar rahe ho, usko jeene do wo jaise jeena chahti hai". #Hijabrow pic.twitter.com/GXTpdICrYg
— Mohammed Zubair (@zoo_bear) March 26, 2022
یاد رہے کہ گزشتہ مہینے بھارتی ریاست کرناٹک کے مختلف تعلیمی اداروں میں یونیفارم پر پابندی کی آڑ میں مختلف تعلیمی اداروں میں مسلمان طالبات کے حجاب پہننے پر پابندی عائد کر دی تھی، بعد ازاں کرناٹک ہائیکورٹ نے بھی ہندو انتہا پسندی کا مظاہرہ کرتے ہوئے یہ پابندی برقرار رکھنے کا فیصلہ کیا تھا، بعد ازاں رواں مہینے کرناٹک ہائیکورٹ کے فیصلے کو سپریم کورٹ میں چیلنج کیا گیا، جس پر بھارتی سپریم کورٹ نے فوری سماعت سے انکار کر دیا ہے۔
