وزیراعظم عمران خان نے رات گئے قوم کو آڈیو پیغام میں عوام سے جلد از جلد اسلام آباد پہنچنے کی اپیل کردی۔
اپنے بیان میں وزیراعظم عمران خان کا کہنا ہے کہ آج جو جلسہ ہو رہا ہے يہ پاکستان کی جنگ ہے۔ يہ تحريک انصاف کی نہيں پاکستان کے مستقبل کی جنگ ہے۔

انہوں نے امید ظاہر کرتے ہوئے یہ بھی کہا کہ انشاءاللہ آج ہم پاکستان کی تاريخ بنانے نکلے ہيں۔سڑکوں پر رش ہوگا اس ليے جلدی نکليں۔ سڑکوں پر رش ہونے کے باعث خوف ہے کہ آپ ٹائم پر نہ پہنچ پائيں

واضح رہے کہ حکومتی جماعت پاکستان تحریک انصاف آج اسلام آباد میں جلسہ کر رہی ہے جس سے وزیراعظم عمران خان خطاب کریں گے۔پریڈ گراؤنڈ میں آج ہونے والے جلسے میں 36 کنٹینرز کی مدد سے اسٹیج تیار کیا گیا ہے، مرکزی قیادت کے لیے خصوصی کنٹینر بنادیا گیا ہے، جلسے میں شرکت کیلئے کارکنوں کی آمد کا سلسلہ جاری ہے۔