ملک میں موجودہ سیاسی صورتحال میں اپوزیشن اور حکومت کے جلسوں کے چلتے فاسٹ بولر محمد عامر نے اپنی خواہش کا اظہار کردیا۔
تفصیلات کے مطابق فاسٹ بولر محمد عامر نے ٹوئٹر پر بیان جاری کرتے ہوئے لکھا کہ تنا جذبہ ہمارے حکمران لوگ جمع کرنے میں لگا رہے ہیں ، اللہ کرے اتنا ہی جذبہ پاکستان ٹھیک کرنے میں آجائے تو کیا بات ہے۔
jitna jazba hamre sare politicians log jama karne me laga rahe hain Allah kare itna jazba Pakistan thk karne me ajaye to kia bat hai.
— Mohammad Amir (@iamamirofficial) March 27, 2022
واضح رہے کہ ملک میں وزیر اعظم عمران خان کے خلاف عدم اعتماد پر ووٹنگ کا انتظار ہے وہیں اپوزیشن اور حکومت اپنی عوامی طاقت دکھانے کیلئے جلسے کرنے میں مصروف ہے۔
وزیراعظم عمران خان نے اتوار کے روز وفاقی دارالحکومت اسلام آباد کے پریڈ گراؤنڈ کے جلسہ عام سے خطاب میں کہا ہے کہ ملک میں باہر سے پیسے کی مدد سے حکومت تبدیل کرنے کی کوشش کی جارہی ہے، ہمیں لکھ کر دھمکی دی گئی، میرے پاس خط ہے اور وہ ثبوت ہے۔
دوسری جانب لاہور سے مریم نواز اور حمزہ شہبازکی قیادت میں روانہ ہونے والا ن لیگ کا مہنگائی مکاؤ مارچ اسلام آباد کی جانب رواں دواں ہے۔
گوجرانوالا میں پریس کانفرنس کرتے ہوئے مریم نواز کا کہنا تھا کہ وزیراعظم عمران خان نے لوگوں کے ٹیکس کا پیساجلسے پر خرچ کیا، اس کا حساب دینا ہوگا۔
