چودھری پرویز الٰہی کی بنی گالہ میں وزیر اعظم عمران خان سے ملاقات کے ختم ہوتے ہی حکومت کی اتحادی مسلم لیگ ق کے رہنما اور وفاقی وزیر طارق بشیر چیمہ نے وزارت سے استعفیٰ دے دیا ہے۔

ترجمان ق لیگ کا کہنا ہے کہ طارق بشیرچیمہ نے استعفیٰ قومی اسمبلی کی سیٹ سے نہیں دیا ہے۔

ترجمان ق لیگ نے مزید بتایا ہے کہ سربراہ ق لیگ چوہدری شجاعت نے طارق بشیر چیمہ کو مستعفی ہونےکی اجازت دی ہے۔

دوسری جانب حکومتی حلقوں نے دعویٰ کیا ہے کہ چودھری پرویز الٰہی پنجاب میں وزیر اعلیٰ ہونگے۔ اور تحریک انصاف ان کی حمایت کرے گی، جبکہ ق لیگ بھی تحریک عدم اعتماد میں وزیراعظم عمران خان کا ساتھ دے گی۔